رەسپۋبليكالىق اقىندار ايتىسىنىڭ جەڭىمپازدارى انىقتالدى
«رۋحاني جاڭعىرۋ» باعدارلاماسى اياسىندا ۇيىمداستىرىلعان ايتۋلى دوداعا بارلىعى ون اقىن قاتىسىپ، باق سىنادى.
ايتىس قورىتىندىسىندا باس جۇلدەنى (1 ميلليون تەڭگە) جامبىل اۋدانىنىڭ وكىلى جالعاس سادىر جەڭىپ الدى. جانداربەك بۇلعاقوۆ - ءبىرىنشى (700 مىڭ تەڭگە)، اينۇر تۇرسىنبايەۆا - ەكىنشى (600 مىڭ تەڭگە)، باتىس قازاقستاندىق تالعات مىقي (500 مىڭ تەڭگە) ءۇشىنشى ورىنعا يە بولدى.
ءبىر اينالىمنان تۇرعان سايىستا تالعات مىقي بەلگىلى ايتىسكەر سارا توقتامىسوۆامەن ساحناعا شىقتى.
ايتا كەتەيىك، بۇل تالعات مىقيدىڭ رەسپۋبليكالىق ايتىستاعى ءبىرىنشى جۇلدەسى ەمەس. ورالداعى قادىر مىرزا ءالي اتىنداعى مادەنيەت جانە ونەر ورتالىعىندا قىزمەت اتقاراتىن تالعات سونىمەن قاتار جازبا اقىندىعىمەن دە تانىلىپ كەلەدى.
