اقمولا وبلىسىندا جەمقورلىقپەن كۇرەسۋدە بەلسەندىلىك تانىتقاندار ماراپاتتالدى
اقمولا وبلىسى اكىمىنىڭ ورىنباسارى ولجاس بەكتەنوۆتىڭ قاتىسۋىمەن شارادا بيىلعى جىلدىڭ 1 -ساۋىرىنەن 9 -قاراشاسى ارالىعىندا وبلىسىمىزدىڭ بارلىق وڭىرلەرىندە وتكەن «ادال جول - چەستنىي پۋت» فورۋمىنىڭ قورىتىندىلارى شىعارىلىپ، بەلسەندىلىگىمەن كوزگە تۇسكەندەر ارنايى ديپلومدارمەن، العىس حاتتارمەن ماراپاتتالدى.
جەمقورلىققا قارسى بەينەروليكتەر ءتۇسىرىلىمى بايقاۋى بويىنشا جەڭىمپاز اتانعانداردىڭ قاتارىندا كوكشەتاۋ قالاسىنداعى №3 كوپ تىلدە وقىتاتىن مەكتەپ- گيمنازياسى، №1-بالكاشين ورتا مەكتەبى بار. وڭىرلەر اراسىنان جارقايىڭ اۋدانى ءبىرىنشى دارەجەلى ديپلوممەن ماراپاتتالسا، ەسىل جانە قورعالجىن اۋداندارى ەكىنشى، ءۇشىنشى ساتىدان كورىندى.
ق ر مەملەكەتتىك قىزمەت جانە جەمقورلىققا قارسى ءىس-قيمىل اگەنتتىگى اقمولا وبلىسى بويىنشا دەپارتامەنتىنىڭ باسشىسى بەرگەن بەسپالينوۆ جىل باسىنان بەرگى قوعامدا جەمقورلىققا قارسى كوزقاراستى قالىپتاستىرۋ باعىتىنداعى اتقارىلعان جۇمىستار جايىندا باياندادى. بۇگىنگى كۇنگە دەيىن 33 مىڭداي ادامدى قامتىعان 437 شارا وتكىزىلىپ، مەكتەپتەردە جەمقورلىققا توزبەۋشىلىكتى ناسيحاتتايتىن 195 بالالار كلۋبى جۇمىس ىستەپ كەلگەن.
قوعامدا جەمقورلىققا قارسى توزبەۋشىلىكتى قالىپتاستىرۋعا وراي فورۋم اياسىندا ۇندەۋ جاريالانىپ، ونى «اقمولا- تىرشىلىك» ج ش س ديرەكتورى، ق ر ەڭبەك سىڭىرگەن قايراتكەرى جابال ەرعاليەۆ وقىپ بەردى. جىل ىشىندە جەمقورلىققا قارسى ناسيحات جۇمىستارىنا بەلسەنە قاتىسقان ءبىر توپ ب ا ق وكىلدەرى العىس حاتتارمەن ماراپاتتالدى.
