قاراعاندى وبلىسىندا التىن مەن مىس كەنى تابىلدى

ىزدەۋ جۇمىستارى مەملەكەتتىك تاپسىرىس اياسىندا جۇرگىزىلدى. تاستى ۋچاسكەسى بويىنشا جوبانىڭ جالپى قۇنى 343 ميلليون، ال سارىادىر ۋچاسكەسى بويىنشا 399 ميلليون تەڭگەنى قۇرادى.

«الىنعان ناتيجەلەر نەگىزىندە پايدالى قازبالاردى ورنالاستىرۋدىڭ بەكىتىلگەن زاڭدىلىعىن ەسكەرە وتىرىپ، تاستى الاڭىندا ەكى ۋچاسكە ءبولىنىپ الىندى. ونىڭ ءبىرى كولچەدان- پوليمەتاللدى، تيتانماگنەتيتتى، ەكىنشىسى التىن كەندى. قىزىلتاۋ الاڭىنداعى كولچەدان- پوليمەتاللدى، تيتانماگنەتيتتى مينەرالدى ايماعى Р1+Р2 ساناتى بويىنشا بولجامدى رەسۋرستاردىڭ مىناداي باعا ناتيجەلەرىن كورسەتتى: كەن - 106 ميلليون توننا، قوس توتىقتى تيتان - 2,7 ميلليون، تەمىر 9,7 ميلليون توننا»، - دەلىنگەن ۇلتتىق كومپانيا تاراتقان اقپاراتتا.

سولتۇستىك سۇمبە الاڭىندا مىس- التىن كەن ورنىندا ر3 ساناتىنداعى بولجامدى رەسۋرستاردىڭ كولەمى مىناداي: كەن - 7,5 ميلليون، مىس - 8,3 مىڭ، التىن - 1,7، كۇمىس - 3 توننا.

سارى ادىر الاڭىنداعى جۇمىستار بويىنشا مىس-پورفيرلى ۇلگىدەگى الماتى ۋچاسكەسى انىقتالدى. اتالعان ۋچاسكەدەگى Р1 ساناتىنداعى بولجامدى رەسۋرستار مىنالار: كەن - 141 ميلليون، مىس - 311 مىڭ، موليبدەن - 7 مىڭ توننا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى