جەمقورلاردان تاركىلەنگەن مۇلىك حالىققا قالاي تاراتىلادى

اگەنتتىك ءتوراعاسىنىڭ ورىنباسارى اليك شپەكبايەۆتىڭ ايتۋىنشا، ونداي مۇلىكتى الدىمەن مەملەكەت مەنشىگىنە اۋدارۋ قاجەت. ارتىنان الەۋمەتتىك جاعىنان از قامتىلعان ازاماتتارعا تاراتۋعا بولادى «مەنىڭشە، ونداي مۇلىكتى الدىمەن سوت شەشىمى نەگىزىندە تاركىلەپ، مەملەكەت مەنشىگىنە اۋدارۋ قاجەت. سودان كەيىن تاراتۋعا بولادى. ماسەلەن، قوستانايدىڭ بۇرىنعى اكىمىنەن (احمەتبەك احمەدجانوۆ - اۆت.) تاركىلەنگەن مۇلىك مەملەكەت مەنشىگىنە اۋدارىلدى. ارتىنان مەملەكەتتىك مۇلىك قۇرىلىمدارى ارقىلى كەزەكتە تۇرعاندارعا تاراتۋعا بولادى. مەنىڭشە، وسى جۇمىسقا قوعام وكىلدەرى دە قاتىسۋى قاجەت»، - دەدى شپەكبايەۆ قازاقپارات تىلشىسىنە بەرگەن سۇحباتىندا.

ايتا كەتەيىك، بۇگىن استانادا وتكەن حالىقارالىق كونفەرەنسيادا سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ جەتەكشىسى تالعات تاتۋبايەۆ جەمقورلاردىڭ مۇلكىن تاراتۋدىڭ جاڭا ءادىسى تۋرالى ايتتى. «قازىرگى كەزدە ءبىز تاعى ءبىر باستامانى كوتەرىپ وتىرمىز. جەمقورلاردان تاركىلەنگەن اكتيۆتەردى الەۋمەتتىك جاعىنان از قامتىلعاندارعا - بالالار ۇيلەرى مەن كوپبالالى وتباسىلارعا تاراتىپ بەرۋگە بولادى. اتالعان ماسەلە پىسىقتالىپ جاتىر»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى