ۇكىمەت قازاقستاندىق عارىشكەردى عارىشقا ۇشىرۋ ماسەلەسىن قاراستىرىپ وتىرعان جوق - مينيسترلىك جاۋابى
ق ر قورعانىس جانە ايروعارىش مينيسترلىگىنىڭ ايروعارىش كوميتەتى ءبىرقاتار ب ا ق- تا جاريالانعان قازاقستاندىق عارىشكەردىڭ رەسەيلىك عارىش كەمەسىنىڭ ەكيپاجى قۇرامىندا ۇشادى دەگەن اقپاراتتىڭ شىندىققا جاناسپايتىندىعىن حابارلادى.
«اقتوبەلىك پلانەتاريدىڭ 50 جىلدىعىن مەرەكەلەۋ بارىسىندا سۇحبات بەرگەن قازاقستان رەسپۋبيلكاسىنىڭ حالىق قاھارمانى، ۇشقىش- عارىشكەر ايدىن ايىمبەتوۆتىڭ اتالعان ماسەلەگە قاتىستى ءسوزى اعات تۇسىندىرىلگەن. قازىرگى ۋاقىتتا ا. ايىمبەتوۆ قازاقستاننىڭ جەردى قاشىقتان زوندتاۋ جانە جوعارى دالدىكتى سپۋتنيك ناۆيگاتسيا عارىشتىق جۇيەسىنىڭ ۇلتتىق وپەراتورى سانالاتىن «قازاقستان عارىش ساپارى» ۇلتتىق كومپانياسى» ا ق- نىڭ ۆيتسە- پرەزيدەنتى لاۋازىمىن اتقارادى. بۇگىندە قازاقستان ۇكىمەتى قازاقستاندىق عارىشكەردى عارىشقا ۇشىرۋ ماسەلەسىن قاراستىرىپ وتىرعان جوق»، - دەلىنگەن اتالعان كوميتەت تاراتقان اقپاراتتا.
ايتا كەتەيىك، كەشە ءبىرقاتار جەرگىلىكتى جانە رەسپۋبليكالىق بۇقارالىق اقپارات قۇرالدارى ايدىن ايىمبەتوۆتىڭ عارىشقا تاعى ءبىر قازاقستاندىقتىڭ ۇشاتىندىعىن ايتقانىن جازعان بولاتىن.
اۆتور: مارلان جيەمباي
