كەلەر جىلى بيتكويننىڭ كۇيرەۋى، يۋاننىڭ كۇشەيۋى بولجانۋدا
(بيتكوين - (Bitcoin, BTC) ورتالىقسىزداندىرىلعان ۆيرتۋالدى ۆاليۋتا.) دانيالىق بانك 15 جىلدىق ءداستۇر بويىنشا ىقتيمالدىعى باعالانبايتىن نەگىزگى وقيعالاردىڭ ءبىر پاراسىن جاريالادى. ولاردىڭ اراسىندا بيتكويننىڭ كۇيرەۋى، ۇجىمدىق فەمينيز ءراسىمى، Apple-دىڭ السىرەۋى سياقتى بولجامدار بار.
ءوز كەزەگىندە، Saxo Bank «تاڭقالدىرارلىق جورامالداردىڭ» - بولجام ەمەس، تەك جاعىمسىز جاعدايلاردان ەسكەرتۋ عانا ەكەندىگىن اتاپ ءوتتى.
Saxo Bank- ءتىڭ بايانداماسىندا، بيتكوين قۇنىنىڭ 2018 -جىلى بىردەن ءتۇسىپ كەتۋى مۇمكىن ەكەندىگى ايتىلادى. ساراپشىلار رەسەي مەن قىتايدىڭ كريپتو ۆاليۋتاعا تىيىم سالعاننان كەيىن كۇيرەيتىنىن ايتۋدا.
«بيتكوين 60 مىڭ دوللارعا جەتىپ، كەيىن 1000 دوللارعا دەيىن قۇلاۋى مۇمكىن»، دەلىنگەن باياندامادا.
سونداي- اق، 2018 -جىلى ايەل- باسشىلاردىڭ سانى ارتادى. Fortune 500 باس ديرەكتورلار تىزىمىندەگى ايەلدەر سانى ەكى ەسە وسەدى، دەلىنگەن زەرتتەۋدە.
زەرتتەۋگە سايكەس، 2018 -جىلى مۇناي سالاسىنداعى مامىلەلەردە يۋاننىڭ ءرولى ايتارلىقتاي كۇشەيەدى. الەمدەگى مۇناي يمپورتشىلارى مەن شيكىزات وندىرۋشىلەر يۋان ارقىلى ەسەپ ايىرىسۋى مۇمكىن.
الداعى جىلدا Apple الەمدەگى ەڭ ءىرى كومپانيا اتاعىنان ايىرىلۋى مۇمكىن. Saxo Bank- ءنىڭ ايتۋىنشا، قىتايدىڭ ينتەرنەت- گيگانتى Tencent-نىڭ كاپيتاليزاتسيالانۋى 2018 -جىلى ەكى ەسەگە ءوسىپ، نارىقتىق قۇن بويىنشا Apple- ءدى باسىپ وزباق.
2018 -جىلى اقشانىڭ قۇنسىزدانۋى مەن قۇندى قاعازدار بويىنشا تابىس سالدارىنان جاپونيانىڭ ۇلتتىق ۆاليۋتاسى دوللارعا شاققاندا قۇنسىزدانۋى مۇمكىن.
ايتا كەتەيىك، بۇل زەرتتەۋدە قارجىگەرلەر كوپتەگەن ادامداردىڭ وقيعانىڭ ىقتيمالدىعىن 1 پايىز دەپ باعالاۋى، ءبىراق ول وقيعالاردىڭ ورىن الۋ ىقتيمالدىعى 10 پايىزعا جۋىقتايتىن وقيعالار تۋرالى باياندالادى.
