بريۋسسەلدە تۇڭعىش رەت مۇحتار اۋەزوۆتىڭ «قاراگوز» دراماسى قويىلدى

رەسپۋبليكالىق اكادەميالىق نەمىس دراما تەاترىنىڭ ۇجىمى 7- جەلتوقساندا شيللەر مەن گەتەنىڭ تىلىندە بەلگيالىق جۇرتشىلىققا اۋەزوۆتىڭ دراماسىن قويدى.

«قازاق مادەنيەتىنىڭ التىن قورىنا كىرگەن بۇل قويىلىمدى ءتورت جىل بويى دايىندادىق. ساحنادا كەيىپكەرلەر مۇحتار اۋەزوۆتىڭ ءوزى سيپاتتاعانداي اسەرلى ويناپ شىقتى»، - دەدى تەاتر رەجيسسەرى ناتاليا دۋبس.

قويىلىم گەرمانيادان كەلگەن تانىمال حورەوگراف فلوريان بيلباو زاماناۋي حورەوگرافيامەن كوركەمدەلە ءتۇستى.

رەسپۋبليكالىق اكادەميالىق نەمىس دراما تەاترىنىڭ گاسترولى «ۇلى دالا تەاترى» كونسەرتتىك تۋرى اياسىندا ءوتىپ جاتىر. بۇل «رۋحاني جاڭعىرۋ» باعدارلاماسىنىڭ حالىقارالىق مادەني جوبالارىنىڭ ءبىرى سانالادى.

5- جەلتوقساندا رەسپۋبليكالىق اكادەميالىق نەمىس تەاترى پاريجدەگى ۆارەتە تەاترىندا «قاراگوزدى» ساحنالاعان بولاتىن.

ەسكە سالساق، ەۋروپادا «ۇلى دالا تەاترى» گاسترولدىك تۋرى ءوتىپ جاتىر. باستى ماقسات - «رۋحاني جاڭعىرۋ» باعدارلاماسى اياسىندا گەرمانيا، فرانسيا، اۆستريا، بەلگيا جانە رەسەي ساحنالارىندا ەل مادەنيەتىن تانىتۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى