استانادا جەڭىل اتلەتتەرگە ارنالعان جابىق كەشەن سالىنىپ جاتىر
بۇل تۋرالى استانادا ق ر جەڭىل اتلەتيكا فەدەراتسياسىنىڭ كەزەكتەن تىس وتكەن كونفەرەنسياسى بارىسىندا فەدەراتسيا پرەزيدەنتى ادىلبەك جاقسىبەكوۆ ءمالىم ەتكەن.
فەدەراتسياسىنىڭ رەسمي سايتى تاراتقان مالىمەتتەرگە سۇيەنسەك، جينالىستا «استاناداعى جاڭا جابىق كەشەندەگى جەڭىل اتلەتيكا مانەجىن ەلباسىنىڭ جەكە تاپسىرماسى بويىنشا «سامۇرىق- قازىنا» ءال-اۋقات قورى سالىپ جاتىر. جوسپار بويىنشا 2019-جىلعا قۇرلىس جۇمىستارى اياقتالۋى ءتيىس. مانەج 7 مىڭ كورەرمەنگە ارنالعان. استانا مەن الماتىدا ەكى مانەج تۇرعىزىپ الساق، كەز كەلگەن حالىقارالىق جارىستاردى وتكىزە بەرۋگە بولادى»، - دەپ اتاپ وتكەن ادىلبەك جاقسىبەكوۆ.
سونداي-اق، فەدەراتسيا پرەزيدەنتى الدىمەن كاسىپقوي سپورتتىڭ قاجەت ەكەنىن، سوندا بارىپ، بۇقارالىق سپورتتى دا دامىتۋعا بولاتىنىن اتاپ وتكەن.
«ەگەر كاسىبي سپورت بولماسا، ادامداردى سپورتقا تارتۋ قيىن. ياعني، ول كەزدە بۇقارالىق سپورت تا دامىمايدى. البەتتە سايىسقا تۇسەتىن جاس سپورتشىلار قاجەت. سوندىقتان بىزگە كاسىپقوي كەرەك. باستى ماقسات - العا جىلجۋ. مانەج جۇمىستارى 2019-جىلدان كەشىكتىرىلمەي اياقتالۋى ءتيىس، - دەيدى ادىلبەك رىسكەلدى ۇلى.
اۆتور: كۇنسۇلتان وتارباي
