سەنات ءتوراعاسىنىڭ ورىنباسارى قىتايلىق ارىپتەسىمەن كەزدەستى
دەپ حابارلايدى «قازاقپارات» ح ا ا- ءنىڭ قىتايداعى مەنشىكتى ءتىلشىسى.
«ءبىز پارلامەنتارالىق بايلانىستار مەن ەكونوميكالىق ينتەگراتسيا، ءوزارا ينۆەستيتسيالار سالۋ ماسەلەسىن قوزعادىق. بۇگىن مۇندا ەكى ەلدىڭ كاسىپكەرلەرىنىڭ قازاقستان- قىتاي فورۋمى ءوتىپ جاتىر. شي جينپيڭنىڭ «ءبىر بەلدەۋ- ءبىر جول» باستاماسى ەلباسى نۇرسۇلتان نازاربايەۆ كوتەرگەن «نۇرلى جول» مەملەكەتتىك باعدارلاماسىمەن ۇندەسەدى. سوڭعى بىرنەشە جىلدىڭ وزىندە عانا بىزدە 2,5 مىڭ ك م تەمىرجولدار، 4 مىڭنان استام ك م اۆتوموبيل جولدارى سالىنىپ، ءبىرقاتارى قايتا جوندەۋدەن ءوتتى. قازاقستان جىبەك جولى بويىندا، باتىس قىتايدان باتىس ەۋروپاعا قاراي اپاراتىن جول بويىندا وتە ءتيىمدى ورنالاسقان. سول سەبەپتى ءبىزدىڭ باعدارلامالارىمىز بىرلەسىپ، جاتسا، ودان ءبىزىدىڭ ۇتارىمىز كوپ»، - دەدى س. گروموۆ قازاقستاندىق جۋرناليستەرگە بەرگەن سۇحباتىندا.
ونىڭ سوزىنشە، قىتاي تاراپىنىڭ شاقىرتۋىمەن ق ر پارلامەنتىنىڭ ءبىر توپ سەناتورلارى شىنجاڭ ۇيعىر اۆتونوميالى ولكەسى مەن گۋاڭجوۋ قالاسى جانە وڭتۇستىك قىتايلىق گۋاندۇڭ پروۆينتسياسىندا بولدى.
