الماتىدا ەلوردانىڭ دامۋىنا ۇلەس قوسقاندار ماراپاتتالادى
ماراپاتتاۋ شاراسى رەسپۋبليكا سارايىندا 10- جەلتوقسان كۇنى وتەدى.
«استانا - ارداعىم» سىيلىعىمەن الماتى قالاسىنىڭ تۋمالارى جانە استانانىڭ قالىپتاسۋىنا ايتارلىقتاي ۇلەس قوسقان، پرەزيدەنتتىڭ استانانى كوشىرۋ تۋرالى شەشىمىنە بارىنشا قولداۋ كورسەتكەن قايراتكەرلەر ماراپاتتالادى.
الماتى قالاسىنىڭ مادەنيەت باسقارماسى حابارلاعانداي، «استانا - ارداعىم» سىيلىعى 20 سانات بويىنشا بەرىلەدى.
اتاپ ايتقانداي، ولار - ءبىلىم مەن عىلىم، ساۋلەت پەن قۇرىلىس، دەنساۋلىق ساقتاۋ، سپورت، ونەر، كينەماتوگرافيا، جۋرناليستيكا جانە ادەبيەت سالالارى بويىنشا ۇلەس قوسقانداردىڭ ەڭبەگى ەسكەرىلەدى.
«بۇگىنگى كۇنى الماتى قارجى جانە ەكونوميكالىق ماگنيت رەتىندە ەلىمىزدىڭ ساياسي ورتالىعى - استانانى ۇيلەسىمدى تولىقتىرۋدا. حالىقارالىق تاجىريبە كورسەتكەندەي، كۇشتى ساياسي ورتالىق پەن ليبەرالدى قالانىڭ كەلىسىمى مەملەكەتتىڭ تۇراقتى دامۋىنا ىقپال ەتەدى. مەملەكەت باسشىسىنىڭ «استانانىڭ تاعدىرى - ەكى عاسىردى ارتقا تاستاعان بارشا قازاقستاندىقتاردىڭ تاعدىرى. بۇل زاماناۋي مەملەكەتكە اينالعان، جاھاندىق قوعامداستىق تانىعان جانە قۇرمەتتەگەن، ۇلى جولدان وتكەن تاۋەلسىز قازاقستاننىڭ تاعدىرى» دەگەن سوزدەرى جانە بار»، - دەپ ءمالىم ەتتى قالالىق اكىمدىكتەگىلەر.
نومينانتتاردى ىرىكتەۋ كونكۋرستىق كوميسسيانىڭ سايتىندا اشىق داۋىس بەرۋگە بولادى. ول 9- جەلتوقساندا استانا ۋاقىتىمەن 00:00 دە اياقتالادى.
ەسكە سالساق، كەلەسى جىلى قازاقستان استاناسى ءۇشىن مەرەيلى جىل. الماتىدا استانانىڭ 20 جىلدىعىن مەرەكەلەۋگە ارنالعان ءبىرقاتار اۋقىمدى مادەني شارالار-كونسەرتتەر، فەستيۆالدەر، كورمەلەر وتكىزۋ جوسپارلانعان.
