ۇيقىدان ويانعاندا بەتتىڭ ءىسۋى نەنى بىلدىرەدى؟

ءدارى- دارمەك. قۇرامىندا پەنيتسيللين، گليكوكورتيكويد جانە اسپيرين بار ءدارى قابىلدايتىن بولساڭىز، بەتىڭىزدىڭ ءىسىنۋى - قالىپتى جاعداي. سونداي- اق ەكىقابات بولۋعا قارسى (پروتيۆوزاچاتوچنىي) دارىلەر، قان قىسىمىن باقىلايتىن دەپرەسسياعا قارسى دارىلەر دە بەتتىڭ ىسۋىنە سەبەپكەر بولادى. كوسمەتيكالىق قۇرالداردان دا بەتتىڭ ءىسۋى مۇمكىن.

دەنساۋلىق. ەگەر بەتىڭىز ۇنەمى ءىسىپ جۇرەتىن بولسا، دارىگەرلەرگە قارالىپ، سەبەبىن انىقتاعان دۇرىس. ويتكەنى اللەرگيا، گايموريت، كونيۋنكتيۆيت، قان تامىرلارى جۇيەسى، بۇيرەك پەن باۋىر، سەمىزدىك سالدارىنان بەت ىسىنەدى.

قۇرعاقتىق. اعزاعا سۋ جەتىسپەسە دە، ارتىق سۇيىقتىق جينالادى. ادام اعزاسى سولاي، ەگەر سۇيىقتىق جەتىسپەسە، ارتىق سۋ، ياعني قور جيناي باستايدى. سوندىقتان بەتتىڭ ىسىگىن قايتارعىڭىز كەلسە، كۇن سايىن 8 ستاكاننان كەم ەمەس سۋ ءىشىڭىز.

بەتتەگى ىسىكتى قالاي باسادى؟

مامىقتى قولدانباڭىز. نەدە ۇيىقتايتىنىڭىزدى تەكسەرىڭىز. ەگەر قۇس مامىعىنا اللەرگياڭىز بار بولسا، ودان جاسالعان كورپە مەن جاستىقتى قولدانباڭىز. كوزىڭىز بەن بەتىڭىزگە بىردەن ءبىر سەبەپكەر وسى توسەك جابدىقتارى بولۋى مۇمكىن.

جۋىنىڭىز. بەتتى سۋىق سۋمەن جۋىڭىز. جانە مۇز كەسەكتەرىمەن بەتتى اسىقپاي ءسۇرتىڭىز. روماشكا جانە جالبىز تۇنباسىنان دايىندالعان مۇز كەسەگى بولسا، تىپتەن جاقسى.

بەتتى سالقىنداتۋدى جالعاستىرىڭىز. بەتتى سالقانداتۋعا ارنالعان ءتۇرلى گەلدەر، ماسكالاردى قولدانىپ كورىڭىز. كەز كەلگەن ءدارىحانالاردان تابا الاسىز.

كوكونىس- جەمىستەر. كوكونىس پەن جەمىستەر كۇندەلىكتى تاماقتانۋدا عانا ەمەس، بەتكە ءتۇرلى ماسكالار جاساۋعا دا كەرەمەت كومەكتەسەدى. بەتتىڭ ىسىگىن تەز ارادا كەتىرگىڭىز كەلسە، سالقىنداتىلعان جەمىستىڭ نە كوكونىستىڭ تىلىمدەرىن بەتىڭىزگە باسىپ، بىرنەشە مينۋت وتىرا تۇرىڭىز. قياردىڭ اسەرى كوپ.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى