قاسىموۆ كولىك قاققان جول رەتتەۋشى تۋرالى: وعان الاتاياقتىڭ قاتىسى جوق
«رەتتەۋشى جارىق شاعىلىستىراتىن جابدىقتاردا بولدى عوي. اتالعان وقيعاعا جۇرگىزۋشى كىنالى. سوندىقتان الاتاياقتاردى قايتارۋ قاجەتتىگى جوق. بۇل الەمدىك تاجىريبە، سوندىقتان تاياقشالار كەرەك ەمەس دەپ سانايمىز»، - دەدى مينيستر سەناتتىڭ جالپى وتىرىسى كەزىندە تىلشىلەرگە بەرگەن جاۋابىندا.
ەستەرىڭىزگە سالا كەتەيىك، استانا قالاسىندا Lexus اۆتوكولىگى جول قوزعالىسىن رەتتەۋشىنى قاعىپ كەتتى.
«ماڭگىلىك ەل جانە بۇقار جىراۋ داڭعىلدارىنىڭ قيىلىسىندا بولعان جول كولىگى اپاتىنا بايلانىستى تەرگەۋ امالدارى جۇرگىزىلىپ جاتىر. «Lexus» ماركالى اۆتوموبيلدىڭ جۇرگىزۋشىسى كوكتايعاق سالدارىنان كولىكتى باسقارا الماي، اتالعان جول بولىگىندە كولىك قوزعالىسىن رەتتەپ تۇرعان پوليتسيا ينسپەكتورىن قاعىپ كەتكەن»، - دەپ ءمالىم ەتتى استانا قالاسى ءى ءى د- نىڭ باسپا ءسوز قىزمەتى. زارداپ شەككەن پوليتسيا قىزمەتكەرى جەڭىل جاراقاتتارمەن اۋرۋحاناعا جەتكىزىلگەن.
بۇدان بۇرىن حابارلانعانداي، ق ر ىشكى ىستەر مينيسترلىگى جول قيىلىستارىندا قوزعالىستى رەتتەيتىن پوليتسەيلەرگە الاتاياقتاردى قايتارۋ قاراستىرىلماعانىن ءمالىم ەتكەن بولاتىن.
2017 -جىلدىڭ 1 -قاڭتارىنان باستاپ ىشكى ىستەر ورگاندارىنىڭ قىزمەتكەرلەرى كولىكتەردى توقتاتۋ ءۇشىن ارنايى تاياقشا قولدانباي كەلەدى. 2017 -جىلعا دەيىن قولدانىلىپ كەلگەن پوليتسەيلەردىڭ الاتاياقتارى جيناقتالىپ، ارنايى ساقتاۋ ءۇشىن قويمالارعا جىبەرىلگەن.
