سالىقتان جالتارعان ەركە ەسماحان مەن ەرنار ايداردىڭ ءىسى سوتقا بەرىلدى

دەپارتامەنتتىڭ باسپا ءسوز قىزمەتىنىڭ حابارلاۋىنشا، قازاقستاندىق شوۋ- بيزنەس وكىلدەرىنىڭ اراسىندا كولىك سالىعىن تولەمەگەندەر بار.

جۇلدىزدار 400 مىڭ تەڭگەدەن اسا سالىق تولەمەگەن.

اتاپ ايتقاندا، ءانشى ەرنار ايدار - 205,1 مىڭ تەڭگە، رانو ۋماروۆا - 88,8 مىڭ تەڭگە، جەڭىس ىسقاقوۆا - 73,2 مىڭ تەڭگە، ەركە ەسماحان 41,1 مىڭ تەڭگە بەرەشەك.

«بۇل ازاماتتارعا قاتىستى ءىس ماتەريالدارى جيناقتالىپ، سوت ورگاندارىنا بەرىلدى. سوت ورگاندارى قارىزدى ءوندىرۋ تۋرالى ۇكىم شىعاردى»، - دەدى باسپا ءسوز قىزمەتىنەن.

سالىق قارىزى تۋرالى اقپاراتتى ەلەكتروندى سەرۆيس ارقىلى ق ر قارجى مينيسترلىگى مەملەكەتتىك كىرىستەر كوميتەتىنىڭ kgd.gov.kz سايتىنان كورۋگە بولادى.

قالالىق دەپارتامەنت 31 -جەلتوقساندا 2017 -جىلعى كولىك سالىعىن تولەۋ مەرزىمى اياقتالاتىنىن حابارلايدى.

ايتا كەتۋ كەرەك، 2016 -جىلدان باستاپ كولىك سالىعى تولەۋشىنىڭ تۇرعىلىقتى جەرى بويىنشا تولەنەدى.

2017 -جىلدىڭ 5 -جەلتوقسانىنداعى مالىمەت بويىنشا 90 مىڭ الماتى تۇرعىنى 4,2 ميلليارد تەڭگە قارىز.

ونىڭ ىشىندە 19213 بورىشكەردىڭ ءىسى سوتقا جىبەرىلدى. 3653 ادامعا شەتەلگە شىعۋعا تىيىم سالىندى. 2849 ادامنىڭ مۇلكىنە تىيىم سالىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى