قازاقستاندا ە- تۋريزم پورتالى قۇرىلادى
بۇل تۋرالى « Kazakh Tourism» ۇ ك» ا ق باسقارما ءتوراعاسى راشيد كۇزەمبايەۆ ەلوردادا ءوتىپ جاتقان «قازاقستاندىق تۋريستىك ءونىمدى قالىپتاستىرۋ جانە دامىتۋ ماسەلەلەر» كونفەرەنتسياسىندا ءمالىم ەتتى.
«قازاقستاننىڭ تۋريستىك سالاسىن تسيفرلاندىرۋعا باستى نازار اۋدارىلۋى ءتيىس. بۇل باعىتتاعى نەگىزگى جوبالاردىڭ ءبىرى - اقپاراتقا قولجەتىمدىلىك، ونلاين- تىركەۋ مۇمكىندىگى، كەرى بايلانىس ورناتۋ جانە تۋريستىك قىزمەت ساپاسىنا مونيتورينگ جاساۋ، ماڭىزدى ستاتيستيكالىق دەرەكتەر الۋ ماسەلەلەرىن شەشەتىن ءبىرىڭعاي جۇيە قۇرۋ. بۇل جۇيە تۋريستەر ءۇشىن عانا ەمەس، بيزنەس پەن مەملەكەتكە دە ءتيىمدى بولماق. ءبىز ۇسىناتىن ە- تۋريزم پورتالى مەن موبيلدى قوسىمشا قازاقستاننىڭ كورىكتى مەكەندەرى مەن كيەلى ورىندارىنا تۋريستەردى كوپتەپ تارتۋعا سەپتىگىن تيگىزەدى»، - دەدى راشيد كۇزەمبايەۆ.
سونىمەن بىرگە، باسقارما ءتوراعاسى ۇلتتىق كومپانيا قىزمەتىنىڭ اقپاراتتىق- ساراپتامالىق باعىتى اياسىندا تۋريستىك سالا ماماندارىنا ادىستەمەلىك قولداۋ كورسەتۋ ماقساتىندا تۇراقتى تۇردە الەۋەتتى نارىقتاردى زەرتتەۋ مەن جاھاندىق ترەندتەرگە تالداۋ جاسالاتىنىن اتاپ ءوتتى.
ر. كۇزەمبايەۆ كەلتىرگەن دەرەكتەرگە سايكەس، تۋريستىك سالا سوڭعى ونجىلدىقتا قارقىندى تۇردە دامىپ، الەمدىك ەكونوميكاداعى تەز ءوسىپ كەلە جاتقان سەكتورلاردىڭ بىرىنە اينالدى. بۇگىندە تۋريزم الەمدىك ەكسپورت پەن الەمدىك ج ءى ءو قۇرىلىمىنىڭ 10 پايىزىن قۇرايدى، دۇنيەجۇزىندەگى ءاربىر ونىنشى جۇمىس ورنى تۋريزم سالاسىندا پايدا بولادى.
