ساياحاتتار الدىندا سول ەلدىڭ زاڭىمەن تانىس بولىڭىز: سومكەڭىزدەن ساعىز شىقسا سوتتايتىن ەلدەر بار - فوتو
سەبەبى، ونل ەلدەردە قالىپتى كورىنەتىن تۇرمىستىق جاعدايلار، وزگەلەردى ءتىپتى شوشىتۋى ىقتيمال.
AdMe.ru ازياتتىقتاردىڭ ومىرىندەگى كەي جاعدايلاردى ۇسىنا وتىرىپ، ءبىزدىڭ تۇسىنىگىمىزگە تۇرپىدەي تيەتىنىن انىقتاعان. دەگەنمەن، تۇرعىلىقتى حالىق قوناقجاي ءارى، ساياحاتشىلار ءوزى باراتىن ەلدىڭ تۇرمىسىنان حاباردار بولسا، ەش قيىندىق بولماسى انىق.
جاپونيادا جەدەلساتىعا ءبىرىنشى بولىپ كىرۋدىڭ قاجەتىجوق. ءبىرىنشى بولىپ كىرگەن ەكەنسىز- جەدەلساتى كاپيتانى مىندەتىن مويىنىڭىزعا الاسىز. ءبىرىنشى كىرگەن ادام بارلىعى ءۇشىن، قاجەتتى قاباتتىڭ تۇيمەسىن باسىپ ءارى قارايعى قوزعالۋدى قاداعالاپ وتىرۋى ءتيىس. بۇل مىندەتتى اتقارعىڭىز كەلمەسە ءبىرىنشى بولىپ كىرمەگەنىڭىز دۇرىس.
قىزاناق شىرىنىن ۇناتاتىندار ۆەتنامدا قىزىقتى جاعدايعا تاپ بولۋى مۇمكىن. سەبەبى بۇل ەلدە قىزاناق شىرىنىنا ءتاتتى قوسىپ ىشەدى. قوناقتىڭ قالاۋىنا قاراي قانت، بال، كوكوس ءسۇتى، ءسۇت قوسىپ بەرەدى.
كوپتەگەن ازيا ەلدەرى «4» سانىن ۇناتپايدى ءتىپتى، قورقادى. بۇل جاعدايدىڭ تەترافوبيا دەپ اتالاتىن عىلىمي اتاعى دا بار. ولار ءۇشىن «ءولىم» مەن «4» ءسوزى ءبىر. بۇل جاعداي كورەيا مەن جاپونيادا بىردەي، ياعني ءتورت سانىنان قاشاتىندار. بۇل قاتارعا قىتاي ەلىندە كىرگىزۋگە بولادى. سوندىقتان بۇل ەلدەردە اۋرۋحانا مەن قوعامدىق ورىنداردا «4» قابات دەگەن اتىمەن جوق.
سولتۇستىك كورەيا حالقى روجدەستۆا مەرەكەسىندە ۇلت ليدەرى اجەسىنىڭ تۋعان كۇنىن تويلايدى. كيم چەن ىن ەلدە بۇل مەرەكەنى اتاپ وتۋگە تىيىم سالعان. ونىڭ ورنىنا بارشا حالىق ونىڭ قايتىس بولعان اجەسىنىڭ تۋعان كۇنىن اتاپ وتەدى.
ەگەر ءسىز جالعىزباستى، سۇيىكتىڭىزجوق بولسا 14 -ءساۋىر كۇنى ءوز مەرەكەڭىز ەكەنىن بىلە ءجۇرىڭىز. جىل سايىن وڭتۇستىك كورەيا حالقى 14 -ءساۋىر- جالعىزباستىلار كۇنىن تويلايدى. ول كۇنى جۇرت قارا سوۋس قوسىلعان كەسپە جەيدى، قارا كيىنىپ، جالعىزباستىلىق تۋرالى ازىلدەر ايتادى.
ۆەتنامدىقتار مىسىق اتاۋلىنى ۇناتپايدى. ۆەتنام تۇرعىندارى ۇيلەرىندە مىسىق اسىرامايدى. قىدىرىپ بارا قالساڭىز كوشەدە ۇستاپ جۇرمەگەنىڭىز ابزال. مىسىقتىڭ مياۋلاعانى ولاردىڭ «كەدەيلىك» دەگەن سوزىنە ۇقسايدى ەكەن. ولار كەدەيلىككە ۇشىراماۋ ماقساتىندا، سەنىمىندە مىسىقتى جاندارىنا جولاتپاۋعا تىرىسادى ەكەن.
جاپوندىق ەرلى- زايىپتىلار بولەك كەرەۋەتتە ۇيىقتايدى. بالا دۇنيەگە كەلگەننەن كەيىن جاپون وتباسىنداعى ايەلدىڭ مىندەتتەرى وزگەرەدى. ايەل تەك بالاسىنىڭ قاسىندا ۇيىقتايدى. كەيدە مۇلدە باسقا بولمەدە بالاسىمەن تۇرادى. بالا ءبىر جاسقا تولعانشا بارلىق ەلدە تۇسىنىكتى جاعداي. ءبىراق، جاپونيادا بۇل جاعداي بالا 10-13-كە كەلگەنشە جالعاسادى.
تايلاند حالقى بالانىڭ باسىنان سيپامايدى. ءتىپتى سيپاي قالساڭىز ۇرىسىپ تاستاۋى مۇمكىن. تايلىقتار بالانىڭ باسىندا پەرىشتە بار دەپ تۇسىنەدى. ءارى وعان ەشكىم ءتيىسىپ، شوشىتپاۋى كەرەك. بالانىڭ باسىن تەك تۋعان اتا- اناسى مەن موناحتار عانا ۇستاي الادى. سوندىقتان كەزدەيسوق بالانىڭ باسىن سيپاۋعا اسىقپاڭىز.
سينگاپۋردە ەۋروپالىق ولشەممەن قاراعاندا تىيىمدار كوپ. تىيىمدى ەلەمەۋ مۇمكىن ەمەس، سەبەبى ايىپپۇل كولەمى ۇلكەن. ول ەلگە باراردا سومكەڭىزدە دە ساعىز بولماعانى دۇرىس. شايناماق تۇگىلى الىپ جۇرۋگە تىيىم سالىنعان. ەم رەتىندە دارىگەردىڭ جازۋىمەن تەك ءدارىحانادان الۋعا بولادى.
جاپون، كارىس، فيليپپيندىك بالالاردىڭ سىرت كوزگە ەرسى كورىنەتىن ويىنى بار. سىزگە بىرەۋ كانتە وينايىق دەسە بىردەن كەلىسە كەتپەڭىز. ويىن جايلى: قارسىلاستار ءبىرىن-ءبىرى بايقاماي تۇرعان كەزدە توقىشەگىنە سۇق ساۋساعىن الاقانىنا دەيىن سۇعىپ الۋى كەرەك.
