پۋتين ر ف پرەزيدەنتى سايلاۋىنا قاتىساتىندىعىن جاريالادى
استانا. قازاقپارات - ۆلاديمير پۋتين 2018 -جىلى جاڭا پرەزيدەنتتىك مەرزىمگە سايلاۋعا تۇسەدى. بۇل تۋرالى مەملەكەت باسشىسىنىڭ ءوزى گاز اۆتو زاۆوتى ەڭبەككەرلەرىمەن جانە ارداگەرلەرىمەن كەزدەسۋدە مالىمدەدى، دەپ حابارلايدى ت ا س س.
«ءيا، مەن رەسەي فەدەراتسياسى پرەزيدەنتى سايلاۋىنا تۇسەمىن»، - دەپ ءمالىم ەتتى ول.
رەسەي باسشىسىنىڭ ءسوزىن ەستىگەن كەزدەسۋگە قاتىسۋشىلار دۋ قول شاپالاقتادى. «مۇنداي قولداۋ كورسەتكەندەرىڭىزگە راحمەت»، - دەدى پۋتين اۆتو زاۆوت ۇجىمىنا.
«سىزدەردىڭ ءوز جۇمىستارىڭىزعا، ەلىمىزگە دەگەن كوزقاراستارىڭىزعا راحمەت»، - دەپ جالعاستىردى ول.
«بىز بىرگە بولساق ءبارى ويداعىداي بولادى»، - دەپ اتاپ ءوتتى ر ف پرەزيدەنتى.
ۆلاديمير پۋتيننىڭ وكىلەتتىك مەرزىمى 2018 - جىلى اياقتالادى.