تاۋەلسىزدىك: ا ق ش

مۇنداي ماقالالار جالعاسىن تابادى. ال، بۇگىنگى ماقالا قازىرگى تاڭدا الەمدەگى الپاۋىت مەملەكەتتەردىڭ ءبىرى بولىپ وتىرعان امەريكا قۇراما شتاتتارىنىڭ ەركىندىك ءۇشىن كۇرەسى تۋرالى جالپىلاما اقپاراتقا ارنالىپ وتىر. قازىرگى امەريكا قۇراما شتاتتارى جەرىندە ەجەلدەن امەريكالىق ۇندىستەر ءومىر سۇرگەنى بىزگە مەكتەپ باعدارلاماسىنان بەلگىلى. گەوگرافيا جانە تاريح ساباقتارىنان امەريكانى حريستوفور كولۋمب (1492-1503) اشقانىن دا بىلەمىز. وسى وقيعادان كەيىن، ياعني، XVI عاسىردا انگليا، يسپانيا، نيدەرلاند، فرانسيا، شۆەتسيا سولتۇستىك امەريكانى وتارلاۋعا كىرىستى. ال، XVIII عاسىردىڭ 60-جىلدارىنا قاراي ۇلىبريتانيا سولتۇستىك امەريكانى تۇگەلدەي دەرلىك باسىپ الدى.

 XVII عاسىردىڭ باسىندا امەريكاعا اۋىر جۇمىستارعا پايدالانۋ ءۇشىن افريكادان قۇلدار اكەلۋ باستالدى. انگليا كورولى تاراپىنان وتارلارعا قاتىستى سالىق ساياساتى جۇرگىزىلدى. وسى وتارلىق قاناۋدىڭ كۇشەيۋى تاۋەلسىزدىك جولىنداعى سوعىستى تۋعىزدى. بۇل كۇرەس جىلدارى تاريحتا امەريكالىق ريەۆوليۋتسيا اتاۋىمەن بەلگىلى. ۇزاق تەكە- تىرەس پەن كۇرەستىڭ ناتيجەسىندە 1776 - جىلى 4 - شىلدەدە تاۋەلسىزدىك دەكلاراتسياسى قابىلداندى. دەكلاراتسيادا 13 اعىلشىن وتارى بىرىگىپ، دەربەس مەملەكەتكە اينالىپ، ا ق ش- تىڭ قۇرىلعاندىعى جاريالاندى. امەريكا بۋرجۋازيالىق ريەۆوليۋتسياسى دەپ اتالعان تاۋەلسىزدىك سوعىسىندا انگليا جەڭىلىس تاپتى.

 1783 -جىلعى كەلىسىم شارتى بويىنشا، ا ق ش- تىڭ تاۋەلسىزدىگىن مويىندادى. 1787 -جىلى ا ق ش كونستيتۋتسياسى قابىلداندى، ەلدىڭ ءبىرىنشى پرەزيدەنتى بولىپ دجوردج ۆاشينگتون سايلاندى. 1776 -جىلى قۇرلىقارالىق كونگرەسس قابىلداعان تاۋەلسىزدىك دەكلاراتسياسى جوباسىنىڭ اۆتورى، قوعام قۇرىلىسىن دەموكراتيالاندىرۋعا ۇلكەن زور قوسقان توماس دجەففەرسون 1800 جانە 1804 -جىلدارى ا ق ش پرەزيدەنتى بولىپ سايلاندى. بيىل امەريكا قۇراما شتاتتارى تاۋەلسىزدىگىن 241-رەت تويلادى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى