عالىمدار تاماقتى از جەۋدىڭ جولىن ايتتى

  مۇنداي قورىتىندىنى پەنسيلۆان ۋنيۆەرسيتەتىنىڭ عالىمدارى شىعاردى، دەپ جازادى Daily Mail.

بيولوگتار اشىعۋ سەزىمىنە جاۋاپ بەرەتىن گيپوتالامۋس نەيروندارى مەن تامىقتىڭ بەينەسى، ءيىسى، ءدامى اراسىنداعى بايلانىستى زەرتتەدى. ولار تالداۋدىڭ ءبىرىنشى كەزەڭىندە زەرتحاناداعى اش تىشقاندارعا ەشقانداي تاعامسىز تەك يىستەندىرىلگەن گەل بەرىپ وتىردى. ول گەل گيپوتالامۋستاعى نەيرونعا جاۋاپ قايتاردى. ءبىراق بىرنەشە ۋاقىتتان كەيىن تىشقانداردىڭ ميى قايتادان «اشپىز» دەگەن سيگنال بەرە باستايدى. ال، تاعى دا وسى «بوس» گەلدى قايتا- قايتا بەرگەن كەزدە گيپوتالامۋس بۇل دامگە «جاۋاپ بەرمەي» قويىپتى.

سودان كەيىن عالىمدار گەلگە ازداعان كالوريا قوسىپ بەرەدى. بۇل اشىعۋ سەزىمىن الدىنداعىدان ۇزاعىراق ۋاقىتقا باسادى.

زەرتتەۋدىڭ ءۇشىنشى كەزەڭىندە تىشقاندارعا اسقورىتۋ كەزىندە بولىنەتىن پەپتيد YY، اميلين جانە حولەتسيستوكينين گورموندارىن بەرىپ كورەدى. سوندا كەمىرگىشتەر تاماق رەتىندە جەيتىن ەش نارسە قابىلداماعانىمەن، توق بولىپ وتىرعان. ياعني، ميداعى نەيروندار «تاماق سۇراماعان» .

زەرتتەۋ اۆتورلارى گورمونداردىڭ اشىعۋ سەزىمىنە اسەرىن ۇيرەنۋدى جالعاستىرامىز دەپ وتىر. عالىمداردىڭ ميدى «الداۋدى» ۇيرەنەمىز دەگەن ءۇمىتى بار. وسىلايشا ولار ارتىق سالماعى بار ادامدارعا كومەكتەسەتىندىكتەرىنە سەنىمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى