نۇرسۇلتان نازاربايەۆ قىرعىز رەسپۋبليكاسىنىڭ پرەزيدەنتىمەن تەلەفون ارقىلى سويلەستى
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ جانە وڭىرلىك كۇن ءتارتىبىنىڭ مەيلىنشە وزەكتى ماسەلەلەرىن تالقىلادى.
پرەزيدەنتتەر بيىلعى 2 - جەلتوقساندا استانادا ەكى ەل ۇكىمەتتەرى قول قويعان جول كارتاسىن دايەكتى تۇردە ىسكە اسىرۋدىڭ ماڭىزدىلىعىن اتاپ ءوتتى.
بۇل تۇرعىدا قىرعىزستان پرەزيدەنتى كۇشەيتىلگەن شەكارالىق باقىلاۋدىڭ الىنىپ، قازاقستان- قىرعىزستان شەكاراسىن كۇزەتۋ كۇندەلىكتى رەجىمگە كوشىرىلگەنى ءۇشىن قازاقستان پرەزيدەنتىنە العىس ايتتى.
سونداي- اق، نۇرسۇلتان نازاربايەۆ پەن سوورونباي جەيەنبەكوۆ الداعى كەزدەسۋلەر كەستەسىن، سونىڭ ىشىندە قىرعىزستان پرەزيدەنتىنىڭ قازاقستانعا ساپارمەن كەلۋ ماسەلەسىن قاراستىردى.
تەلەفون ارقىلى سويلەسۋگە قىرعىزستان جاعى باستاماشى بولدى.
