استانا قارجى ورتالىعى سوتىنىڭ ءتوراعاسى انت قابىلدادى
مەملەكەت باسشىسى قازاقستان پرەزيدەنتىنىڭ ءتيىستى وكىمىمەن «استانا» حالىقارالىق قارجى ورتالىعى سوتىنىڭ ءتوراعاسى بولىپ تاعايىندالعان لورد گارري كەننەت ۆۋلفتىڭ انت قابىلداۋ راسىمىنە قاتىستى.
ءراسىم سوڭىندا نۇرسۇلتان نازاربايەۆ «استانا» حالىقارالىق قارجى ورتالىعى سوتىنىڭ ءتوراعاسى مەن سۋديالارىنا حالىقارالىق قارجى ورتالىعىنىڭ قىزمەتىنە الەمدىك قوعامداستىقتىڭ سەنىمىن ارتتىرۋدىڭ ماڭىزدى ەكەنىن ايتتى.
«استانا» حالىقارالىق قارجى ورتالىعىنىڭ تاۋەلسىز سوتى 2018 -جىلعى قاڭتاردان باستاپ جۇمىس ىستەيدى.
لورد گارري كەننەت ۆۋلف قارجى قۇقىعى سالاسىنداعى حالىقارالىق تورەشى ءارى مەدياتر بولىپ تابىلادى. ول انگليانىڭ، ۋەلستىڭ، كاتار مەن گونكونگتىڭ سوت جۇيەلەرىندە جۇمىس ىستەپ، كاسىبي مول تاجىريبە جيناقتاعان.
