پرەزيدەنت «الاتاۋ» تەحنوپاركىن تەكسەرۋدى تاپسىردى

دەپ حابارلايدى قازاقپارات ءتىلشىسى.

 «سيفرلىق قازاقستاندا» عىلىمعا ۇلكەن باسىمدىق بەرىلىپ وتىر. وسى ورايدا نەگىزگى ەكى ورتالىقتى اتاپ وتكەن ءجون. ول - نازاربايەۆ ۋنيۆەرسيتەتى مەن «الاتاۋ» تەحنوپاركى.

مەن نازاربايەۆ ۋنيۆەرسيتەتىنىڭ زەرتحانالارىن ارالاعاندا ءبىراز زەرتتەۋلەردى كوردىم، ناتيجەسى دە جوق ەمەس. ال «الاتاۋ» يننوۆاتسيالىق تەحنولوگيالار پاركى نە ىستەپ جاتىر؟ شىنىمدى ايتسام، وعان قولىم جەتپەي ءجۇر. ونى قۇرعانىمىزعا ءبىراز ۋاقىت بولدى. قىرۋار اقشانى دا جۇمسادىق. الايدا ناتيجەسى كورىنبەيدى. وزدەرى نە ىستەپ جاتىر؟ ۇكىمەتتە وتىرعاندار بىلەتىن شىعار»، - دەدى نۇرسۇلتان نازاربايەۆ يندۋسترياليزاتسيا كۇنىنە ارنالعان جالپى حالىقتىق كوپىر كەزىندە.

وسىدان كەيىن پرەزيدەنت ۇكىمەت پەن الماتى اكىمىنە «الاتاۋ» يننوۆاتسيالىق تەحنولوگيالار پاركىن جان- جاقتى تەكسەرۋدى تاپسىردى. «بىزگە ناقتى ءبىر شەشىمگە كەلۋ كەرەك. ونى جابامىز با، جوق الدە، ارى قاراي دامىتامىز با؟ سونى شەشىپ الۋ كەرەك»، - دەپ اتاپ كورسەتتى مەملەكەت باسشىسى.

 ايتا كەتەيىك، پرەزيدەنتى نۇرسۇلتان نازاربايەۆ شەتەلدەگى قارجىنى قايتارۋعا قاتىستى ارنايى زاڭنامانى دا ازىرلەۋدى تاپسىردى. اتالعان مىندەت ۇكىمەت باسشىسى باقىتجان ساعىنتايەۆقا جۇكتەلدى. پرەزيدەنتتىڭ ايتۋىنشا، بۇگىندە 25-30 جاستاعى ماماندارعا جول بەرۋ كەرەك.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى