دەپۋتات: مەكتەپتەگى كەي پاندەردى اعىلشىن تىلىندە بەرۋ جۇيەسى كۇمان كەلتىرەدى
ءماجىلىس دەپۋتاتى يرينا سميرنوۆا ق ر پرەمەر-ءمينيسترى باقىتجان ساعىنتايەۆتىڭ اتىنا دەپۋتاتتىق ساۋال جولدادى. ول ءوزىنىڭ ساۋالىندا مەكتەپتەگى كەيبىر پاندەردى اعىلشىن تىلىندە بەرۋ جۇيەسى تۋرالى ماسەلەنى كوتەرگەن.
«استاناداعى ليتسەيلەردىڭ بىرىندە اعىلشىن تىلىندە ساباق بەرۋدى تەكسەرۋ ءۇشىن بيولوگيا ءپانى بويىنشا اشىق ساباق وتكىزىلدى. مۇعالىم بارلىق ايتار ءتالىمىن قاعازعا قاراپ تۇرىپ، شالا اعىلشىن تىلىندە وقىپ شىقتى. ساباققا قاتىسقان وڭ اسەرى ءۇشىن 30 بالانىڭ بەسەۋىن تاڭداپ الىپ، سويلەتىپ قويعان»، - دەيدى يرينا سميرنوۆا.
دەپۋتات ءوز سوزىندە فيزيكا، حيميا، بيولوگيا پاندەرى مۇعالىمدەرىن اعىلشىن تىلىنە ۇيرەتۋ ءۇشىن سوڭعى ەكى جىل بويى مەملەكەت ەسەبىنەن قاراجات ءبولىنىپ جاتقانىن اتاپ ءوتتى. الايدا ءۇش اي مۇعالىمنىڭ اعىلشىن ءتىلىن مەڭگەرۋىنە جەتپەيتىندىكتەن، كەيبىر ۇستازداردى كۋرستاردان قايتا وتكىزۋ قاجەتتىلىگى تۋىنداپ وتىر.
سميرنوۆانىڭ ايتۋىنشا، اعىلشىن تىلىندە ويلاماق تۇگىلى، ءتۇسىندىرىپ بەرە المايتىن مۇعالىمنىڭ ساباقتى اعىلشىن تىلىندە جۇرگىزۋى ءتيىمسىز. فيزيكا، حيميا، بيولوگيا پاندەرىن كەيبىر وقۋشىلار ءتىپتى ءوز تىلىندە مەڭگەرە الماي جاتادى.
سونىمەن بىرگە، يرينا سميرنوۆا 10 -سىنىپ وقۋشىلارىنىڭ 10-15 پايىزى عانا اعىلشىن ءتىلىن مەڭگەرىپ، وسى تىلدە باسقا پاندەردى وقي الاتىنىن ايتادى. دەپۋتاتتىڭ تاڭدا ءبىلىم بەرۋ جۇيەسى ەنگىزىلىپ جاتقان نازاربايەۆ زياتكەرلىك مەكتەبىندە اتالعان پاندەردى ءبىر ۋاقىتتا ەكى مۇعالىم بەرەدى. ناقتىراق ايتقاندا، ەكى مۇعالىمنىڭ ءبىرى انا تىلىندە، ەكىنشىسى اعىلشىن تىلىندە وقىتادى.
جوعارىدا اتالعان جايلاردى ەسكەرە وتىرىپ، «حالىق كوممۋنيستەرى» فراكسياسىنىڭ دەپۋتاتتارى بۇل ماسەلەنى پراگماتيكالىق تۇرعىدا قاراستىرۋدى ۇسىندى. ناقتىراق ايتقاندا، ولار تاراپىنان مەكتەپ وقۋشىلارى 9 -سىنىپقا دەيىن ءۇش ءتىلدى ەركىن مەڭگەرەتىندەي ءتىل ءبىلىمى ساباقتارىن ساپالى ەتۋ ۇسىنىلىپ وتىر. «حالىق كوممۋنيستەرى» فراكسياسى دەپۋتاتتارىنىڭ پايىمداۋىنشا، بۇل قادام وقۋشى ءۇشىن ءبىلىمدى كەز كەلگەن تىلدە الۋ مۇمكىندىگىن اشادى. سونداي-اق، ولار مەكتەپ ءبىتىرۋ تۋرالى كۋالىكتە جانە اتتەستاتتا باعا ەمەس، ءتىلدى ءبىلۋ دەڭگەيىن بەلگىلەۋدى، ج و و- لارداعى فيلولوگ مۇعالىمدەردىڭ دايارلىعىن جاقسارتىپ، فيزيكا، حيميا، بيولوگيا پاندەرىن مەكتەپتە اعىلشىن تىلىندە ءتيىمدى تۇردە بەرۋ جۇيەسىن ەنگىزۋدى ءجون دەپ ەسەپتەيدى.
