ەلباسى: شەتەلگە كەتەتىن قاراجاتتى شەكتەۋ كەرەك

«نارىقتىق ەكونوميكانى دامىتۋدىڭ ارقاسىندا بىزدە باي ءارى اۋقاتتى ادامدار كوبەيدى. ارينە، بايلاردىڭ بولعانى جاقسى. ءبىراق ولار قازاقستانداعى كاپيتالىن شەتەلگە شىعارىپ، سول جاقتا ۇستايدى. بۇگىندە قاراجاتتى شەتەلگە شىعارۋدىڭ بىردەن-ءبىر جولى ول - كۇدىكتى يمپورتتىق-ەكسپورتتىق كەلىسىمدەر. وندايدا ەكسپورتەر شەتەلگە تاۋار مەن قىزمەتتەردى جىبەرەدى، ءبىراق اقشانى المايدى. سول سياقتى يمپورتەر تاۋار مەن قىزمەتتەر ءۇشىن قارجىنى شەتەلگە اۋدارادى. الايدا ەشقانداي قىزمەتتى دە، تاۋاردى دا المايدى. ءسويتىپ، ءبارىمىزدى الدايدى»، - دەدى ن. ءا. نازاربايەۆ.

پرەزيدەنتتىڭ ايتۋىنشا، ۆاليۋتا نارىعىنا قاتىستى قازىرگى زاڭناما كۇدىكتى يمپورتتىق-ەكسپورتتىق كەلىسىمدەرگە جول بەرىپ، كاپيتالدى شەتەلگە شىعارۋعا جاعداي جاساپ وتىر.

«ماسەلەن،قازىرگى كەزدە 27 مىڭ كەلىسىم بويىنشا قارىزدىڭ جالپى سوماسى 7,7 ميلليارد دوللاردى قۇراپ وتىر. بۇل - ەكى جىلدا جينالعان قاراجات. قازىرگى زاڭنامادا ناقتى شەكتەۋلەر جوق»، - دەپ اتاپ كورسەتتى مەملەكەت باسشىسى.

ايتا كەتەيىك، پرەزيدەنتى ن. ءا. نازاربايەۆ شەتەلدەگى قارجىنى قايتارۋعا قاتىستى ارنايى زاڭنامانى ازىرلەۋدى تاپسىردى. اتالعان مىندەت ۇكىمەت باسشىسى باقىتجان ساعىنتايەۆقا جۇكتەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى