اقمولا وبلىسىندا ۆاكسينا شىعاراتىن سەح ىسكە قوسىلدى

 وندا وندىرىلەتىن ءدارى- دارمەكتەر مالداردىڭ ءتۇرلى اۋرۋعا شالدىقپاۋىنا سەپ بولادى. «ۇلتتىق بيوتەحنولوگيا ورتالىعى فيليالىنىڭ ماماندارى بۇل دارىلىك پرەپاراتتىڭ ەلىمىزدە تەڭدەسى جوق»، -  دەيدى.

 ال ورتالىقتىڭ وسىعان دەيىنگى سيىر جانە قوي سەكىلدى مالداردىڭ اۋرۋلارىنا قارسى ويلاپ تاپقان ەكپەسى قازىر نارىققا شىعىپ ۇلگەردى. اتالعان ۆاكسينالار قازىر اۋىل شارۋاشىلىعى مينيسترلىگى ۆەتەريناريا كوميتەتىنىڭ تاپسىرىسىمەن ءوندىرىلىپ جاتىر.

ايتا كەتەيىك، جالپى مۇنداي ۆاكسينالار، ەلىمىزدە بۇعان دەيىن وندىرىلمەگەن. ورتالىقتا بۇگىندە 170 ادام 10 زەرتحانادا جۇمىس ىستەيدى.

 دارحان بالپانوۆ، ۇلتتىق بيوتەحنولوگيا ورتالىعى فيليالىنىڭ ديرەكتورى:

 - تەحنولوگيالىق دامۋ ۇلتتىق اگەنتتىگىنىڭ گرانتىمەن قارجىلاندىرىلدى. ءبىز عىلىمي جۇمىستاردى ودان ءارى جالعاستىرا بەرەمىز. ال اتالعان اگەنتتىك قازىر ەلىمىزدە وسىنداي كوپتەگەن يننوۆاتسيالىق جوبالارعا قولداۋ ءبىلدىرىپ كەلەدى. مەنىڭ ويىمشا، بۇل ءبىز سەكىلدى تىڭ باعىتتاعى جاڭا ءوندىرىس وشاقتارىنىڭ پايدا بولۋىنا ءوز سەپتىگىن تيگىزەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى