قازاقستانعا كەلگەن شەتەلدىك تۋريستەردىڭ سانى رەكوردتىق كورسەتكىشكە جەتتى

 ءمالىم ەتىلگەندەي، سوڭعى 5 جىلدا ەلگە ساياحاتتاپ كەلگەن تۋريستەر سانى 5 ميلليون ادامنان اسپاعان. وتكەن جىلدىڭ قاڭتار- قىركۇيەگىمەن سالىستىرعاندا قازاقستانعا كەلۋشىلەر سانى بيىل 18,1 پايىز وسكەن.

زەرتتەۋگە سايكەس، قازاقستاندىقتاردىڭ دا وتاندىق تۋريزمگە دەگەن قىزىعۋشىلىعى ارتىپ كەلەدى. ازاماتتاردىڭ كوپ بولىگى شەتەلدە ەمەس، ەلىمىز ىشىندەگى دەمالىستى تاڭداۋدا. بيىلعى 9 ايدىڭ قورىتىندىسى بويىنشا ىشكى تۋريستەر سانى 4,4 ميلليون ادامعا جەتكەن، بۇل وتكەن جىلعى كورسەتكىشتەرمەن سالىستىرعاندا 25 پايىز كوپ. سىرتقى تۋريزممەن قاتار ىشكى تۋريزم دە 2010 -جىلدان بەرگى كورسەتكىشتىڭ ەڭ جوعارى دەڭگەيىنە جەتتى.

 بۇدان بولەك، بيىل قاڭتار- قىركۇيەك ارالىعىندا ءتۇرلى دەڭگەيدەگى قوناقۇيلەردە 3,9 ميلليون بولمە جالعا الىندى، بۇل وتكەن جىلدىڭ وسى كەزەڭىمەن سالىستىرعاندان 23,7 پايىز جوعارى.

نومىرلەردىڭ ەڭ كوپ بولىگى قىمبات جانە بەس «جۇلدىزدى» قوناقۇيلەردە بەرىلگەن. شۇعىل دەرەكتەر بويىنشا، بيىل بەس «جۇلدىزدى» قوناۇيلەردە نومىرلەردىڭ 50,5 پايىز تۋريستەرمەن تولىققان. بۇل كورسەتكىش وتكەن جىلى 40,5 پايىزدى قۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى