ساپاربايەۆ قىتاي كومپانياسىنا يندۋستريالدى جوبالارعا بولىنەتىن ينۆەستيتسيانى ارتتىرۋدى ۇسىندى
كەزدەسۋ كەزىندە ەكى جاق قازاقستانداعى CNPC كومپانياسىنىڭ ينۆەستيتسيالىق جانە شارۋاشىلىق قىزمەتىن تالقىلادى.
«قازاقستانعا ساپارىڭىز كەزىندە پرەزيدەنت نۇرسۇلتان نازاربايەۆپەن كەزدەسىپ، مەملەكەت باسشىسى قازاقستان ەكونوميكاسىنا ينۆەستيتسيا سالعان كومپانياعا العىسىن ءبىلدىردى. سونىمەن قاتار، «پەكين- پالاس» جانە استانا حورەوگرافيا اكادەمياسى قۇرىلىسى كەزىندە الەۋمەتتىك سۇراقتاردىڭ شەشىمى تابىلدى. 20 جىل ىشىندە كومپانيا تەك اقتوبە وبلىسىنا 20 ميلليون دوللار كولەمىندە ينۆەستيتسيا سالدى. تاياۋدا مەملەكەت باسشىسى نۇرسۇلتان نازاربايەۆ اقتوبە وبلىسىنا جۇمىس ساپارىمەن كەلىپ، «س ن پ س- اقتوبە مۇناي گاز» ا ق سالعان «ونەر ورتالىعىن» قاراپ شىعىپ، ريزاشىلىعىن ءبىلدىردى. اقتوبە وبلىسىنداعى س ن پ س كومپانياسى قىزمەتىنىڭ كەڭەيۋىنە، كەن ورىندارىندا گەولوگيالىق بارلاۋ جۇمىستارىنىڭ جۇرگىزىلۋىنە بايلانىستى ءبىزدىڭ وڭىرىمىزگە سالىناتىن ينۆەستيتسيا كولەتىن ارتتىرۋدى ءجون دەپ سانايمىز»، - دەدى اقتوبە وبلىسىنىڭ اكىمى بەردىبەك ساپاربايەۆ.
ءوڭىر باسشىسى CNPC كومپانياسىنا مۇناي- گاز سالاسىنىنا قاجەتتى قوسالقى بولشەكتەر مەن قۇرال- جابدىقتار شىعاراتىن بىرلەسكەن كاسىپورىن جۇمىسىن جانداندىرۋدى ۇسىندى. بۇل كاسىپورىن مۇناي مەن گازدى وڭدەۋ جانە وزگە دە يندۋستريالدى جوبالاردى ارتتىرىپ، يمپورتتىق تاۋارلارعا سۇرانىستى تومەندەتۋگە مۇمكىندىك بەرەدى. سونىمەن قاتار، ءوڭىردىڭ وندىرىستىك قابىلەتى ارتادى.
«CNPC كومپانياسىنىڭ الەۋمەتتىك جاۋاپكەرشىلىگى تۋرالى دا ايتا كەتكەن ءجون. كەلەر جىلى ءسىزدىڭ كومپانيامەن بىرگە تاعى بىرنەشە الەۋمەتتىك جوبانى ىسكە اسىرۋدى جوسپارلاپ وتىرمىز. ماسەلەن، اقتوبە قالاسىنان قازاقستان مەن قىتاي اراسىنداعى دوستىقتى پاش ەتەتىن ساياباق سالۋعا بولادى. سونىمەن قاتار، جاستار ورتالىعى دا قاجەت. بۇل وسكەلەڭ ۇرپاق ءۇشىن يگى ءىس بولار ەدى»، - دەپ اتاپ ءوتتى بەردىبەك ساپاربايەۆ.
ۆان يلين اقتوبە وبلىسىنىڭ اكىمى بەردىبەك ساپاربايەۆتى مۇقيات تىڭداپ، 20 جىل ىشىندە CNPC كومپانياسى قازاقستانعا 15 ميلليارد دوللار سالىق تولەمدەرىن اۋدارعانىن جەتكىزدى. سونىمەن قاتار، الەۋمەتتىك جوبالاردى ىسكە اسىرۋعا 150 ميلليون دوللار كولەمىندە قارجى ءبولدى.
«ءبىز قازاقستان مەن قىتايدىڭ، سونىڭ ىشىندە اقتوبە وبلىسى تۇرعىندارىنىڭ سەنىمدى سەرىگى بولۋعا دايىنبىز. ال قۇرال- جابدىق پەن قوسالقى بولشەك شىعارۋشى كومپانيالار اراسىنداعى قارىم- قاتىناسقا كەلەر بولساق، قازاقستاندىق كاسىپورىنداردى قولداۋعا، ولاردىڭ ۇسىنىستارىن قاراۋعا دايىنبىز»، - دەدى ول.
ايتا كەتەيىك، كەشە ەكىجاقتى كەزدەسۋ كەزىندە اقتوبە وبلىسىنىڭ اكىمى بەردىبەك ساپاربايەۆ ىنتىماقتاستىق مەموراندۋمىنا قول قويدى. Tianjin Bohua Petrochemical قىتايلىق كورپوراتسياسى تابيعي گازدان پوليەتيلەن جانە پوليپروپيلەن شىعاراتىن زاۋىتتى سالۋعا 4 ميلليارد دوللار ينۆەستيتسيا سالۋعا دايىن. ال Kazakhstan Potash Corporation كومپانياسى كاليي تۇزى زاۋىتىن سالادى.
زاۋىت قۇرىلىسى كەزىندە «Nuctech» كومپانياسىنىڭ جوعارى تەحنولوگياسى پايدالانىلادى. «Xuefeng» جانە «Norinco International»كومپانيالارى جارىلعىش زاتتار جانە اممياكتى سەليترا شىعاراتىن زاۋىت قۇرىلىسىن جۇرگىزەدى. بۇگىن اقتوبە وبلىسىنىڭ ينۆەستيتسيالىق مۇمكىندىكتەرى تانىستىرىلىپ، 4 مەموراندۋمعا قول قويىلدى.
سونىمەن قاتار، پەكيندە «Kazakh Invest» ا ق قولداۋىمەن اقتوبە وبلىسى اكىمدىگىنىڭ وكىلدىگى اشىلدى. بۇل وبلىسقا ينۆەستيتسيا تارتۋعا، ەكسپورت كولەمىن ارتتىرۋعا باعىتتالعان جۇمىس.
بەردىبەك ساپاربايەۆ Sinopec Group مۇناي- گاز كومپانياسىنىڭ، قىتاي مۇناي ۋنيۆەرسيتەتىنىڭ باسشىلارىمەن، قىتايدا ءبىلىم الىپ جۇرگەن ستۋدەنتتەرمەن كەزدەستى. قۇدايبەرگەن جۇبانوۆ اتىنداعى اقتوبە مەملەكەتتىك وڭىرلىك ۋنيۆەرسيتەتى مەن قىتاي مۇناي ۋنيۆەرسيتەتى اراسىندا ءوزارا كەلىسىم مەموراندۋمىنا قول قويىلدى.
التىناي ساعىندىقوۆا
