قازاقستانداعى تۋريزم: ماڭعىستاۋعا بارساڭىز

 التايدان اتىراۋعا دەيىنگى ۇلانعايىر، قاراساڭ كوز تويمايتىن كەڭ بايتاق جەردىڭ بارلىعى قازاق دالاسى. تاۋەلسىز قازاقستاندا تۋريزم سالاسى جىلدان جىلعا دامۋ ۇستىندە. ءبىز الدىڭعى جازبامىزدا ماڭعىستاۋ وڭىرىندەگى بەكەت اتا مەشىتى تۋرالى ايتقان ەدىك. بۇگىن سىزدەرگە 360 اۋليە جاتقان وسى ماڭعىستاۋ ءوڭىرى تۋرالى اقپارات بەرۋدى ءجون كوردىك. رەسپۋبليكانىڭ باسقا ايماقتارىنا قاراعاندا ماڭعىستاۋدا ساۋلەت ەسكەرتكىشتەرى وتە كوپ. سولاردىڭ بىرەگەيى -  بەكەت اتا مەشىتى.

ەرتەدە عۇمىر كەشكەن تۇمەن بالتاباس ۇلى، نۇرىم شىرشىعۇل ۇلى، بالا وراز وتەباي ۇلى، ناسيحات سۇگىر ۇلى سياقتى جىر سۇلەيلەرى بەكەت اتا تۋرالى جىر تولعاعان. بەكەت اتا جەراستى مەشىتى شوپان اتا قورىمىنان 100 كيلومەتىر شىعىستا ورنالاسقان. بۇل جەردە قازاق حالقىنىڭ ۇلى داناسى بەكەت مىرزاعۇل ۇلىنىڭ ءوزى جەرلەنگەن. تاۋ كەسەسى شەرقالا ماڭعىستاۋعا بارعان ادامدى ءوزىنىڭ سۇلۋلىعىمەن، جۇمباعىمەن باۋرايتىن جەرلەردىڭ ءبىرى -  تاۋ كەسەسى شەرقالا. كەيبىر ادامدار ونى ءشولىن قاندىرعان جولاۋشىنىڭ توڭكەرگەن كەسەسىنە ۇقساتادى ەكەن. ال، ەندى بىرەۋلەرى تاۋدى ءبىر جاعىنان كيىز ۇيگە، ەكىنشى جاعىنان جاسىرىنىپ تۇرعان جانۋارعا ۇقسايتىنىن العا تارتادى. اڭىزعا سەنسەك، شەرقالانىڭ جوعارىسىندا قالاشىق بولعان كورىنەدى.

 بەتپاق دالانىڭ ورتاسىندا تاكاپپار جۇمباق ءمۇسىندى تاۋ شەرقالا بيىكتەن كورىنەدى. قاراقيا ويپاتى نەمەسە باتىر كولى قاراقيا ويپاتىنىڭ تەرەڭدىگى 132 م، ال ۇزىندىعى 50 شاقىرىمعا دەيىن جەتەدى. «قاراقيا» ءسوزى «قارا اڭنىڭ اڭعارى» دەگەن ماعىنانى بەرەدى ەكەن. اينالانىڭ بارقىت جامىلعان ادىر توبەسى جول- جونەكەي وتەتىن جولاۋشىلاردىڭ نازارىن بىردەن وزىنە اۋدارادى. قاراقيا ويپاتى وتكەن الىس جىلداردا كاسپي تەڭىزىنىڭ ءبىر بولىگى بولعان، تەڭىز يىرىمىمەن تولىپ قاراقيا شىعاناعىندا ءبولىنىپ شىعاتىن بولعان. مىنە، وسى كۇيىندە قاراقيا شىعاناعىن شىعىس كاسپيدى زەرتتەۋشى عالىم الەكساندر بەكوۆيچ- چەركاسسكي قۇراستىرعان كارتاعا تۇسىرگەن دەسەدى.

ساۋرا كولى ساۋرا كولى ءۇش جاعىنان تىك جارتاستارمەن قورشالعان، ول جارتاستاردىڭ توستاعان ءتارىزدى بيىكتىگى شامامەن 50 مەترگە دەيىن جەتەدى. بارلىق ادامدار ومىرىدە ءوزىنىڭ جارتىسىن ىزدەيدى. ساۋرا شاتقالىنان 50 مەتردەي جەردەگى ساۋرا وزەنىنىڭ دە ەكىنشى جارتىسى بار. كىشكەنە توبەشىكتەن وتكەن سوڭ، جاڭا جولدار مەن اسەرلى كورىنىستەرگە قىزىعۋشىلار جارىلعان توستاعاننىڭ ەكىنشى جارتىسىن تاماشالاي الادى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى