الماتى وبلىسىندا جاڭا ماشينا جاساۋ زاۋىتى اشىلادى

يندۋستريالاندىرۋ كۇنىنە وراي اشىلاتىن كاسىپورىننىڭ قۇنى 6,7 ميلليارد تەڭگە. زاۋىت قۇرىلىسىنا 200 ادام تارتىلدى. كاسىپورىن ءتۇرلى مەتالل قۇراستىرمالاردى وندىرەتىن بولادى.

ماشينا جاساۋ زاۋىتى ايىنا  1500 توننا ءونىم شىعارادى. وندىرىلگەن ءونىمنىڭ 15 پايىزى ەكسپورتتالىپ، قالعان 85 پايىزى ىشكى نارىقتى قامتيدى دەپ جوسپارلانۋدا.

زاۋىتتا جۇمىسشىلاردىڭ كاسىبي بىلىكتىلىگىن ارتتىرىپ، وقىتۋ ماقساتىندا وقۋ ورتالىعى اشىلماق. وقىتۋ پروتسەسى حالىقارالىق ستاندارتتارعا ساي جۇرگىزىلەدى. وقۋ ورتالىعىن اشۋعا دانەكەرلەۋ قۇرىلعىلارىن وندىرەتىن شۆەدتىك  ЕSAB كومپانياسى سەرىكتەس رەتىندە قاتىسىپ وتىر.

كاسىپورىننىڭ ءونىمى اۋىلشارۋاشىلىعى سالاسىندا جوعارى سۇرانىستا بولادى دەپ كۇتىلۋدە. سەبەبى زاۋىت اگروونەركاسىپ كەشەنىنە قاجەت جىلدام قۇراستىرىلاتىن قورا، قويما، تاۋىق فەرمالارى، كوكونىس ساقتايتىن كەشەندەر مەن جىلىجاي كەشەندەرىن شىعارادى.

زاۋىتتىڭ قۇرال- جابدىقتارى گەرمانيا، يتاليا، پولشا مەن شۆەتسيا ەلدەرىنەن اكەلىنگەن.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى