قازاقستاندا زەڭ اۋرۋلارىنا قارسى وتاندىق پرەپارات شىقتى
جوبا اۆتورى ق ر ب ع م عىلىم كوميتەتى ميكروبيولوگيا جانە ۆيرۋسولوگيا ينستيتۋتىنىڭ باس ديرەكتورى امانگەلدى سادانوۆ.
ءدارى ءوندىرىسى 20 جىلعا سوزىلعان.
«سوڭعى ءۇش جىلدا دارىگەرلەر كومانداسى ءدارىنىڭ تيىمدىلىگىن دالەلدەيتىن مالىمەتتەر بازاسى جاسالدى. كلينيكالىق سىناقتىڭ ەكى فازاسى الماتىداعى عىلىمي زەرتتەۋ ينستيتۋتىندا ءوتتى. ءۇشىنشى فازا قالالىق جانە وبلىستىق تەرى جانە جىنىس جولدارى ديسپانسەرى بازاسىندا ءوتتى. سوڭعى سىناق كەزىندە «كلوتريمازول» پرەپاراتىمەن سالىستىرعاندا قازاقستاندىق پرەپارات «روزەوفۋنگين» 20 پايىزعا تيىمدىرەك بولىپ شىقتى. پايدالانعان 1000 ادام 99,7 پايىزى تەرى زەڭىنەن قۇتىلدى»، - دەدى وبلىستىق تەرى جانە جىنىس اۋرۋلارى ديسپانسەرىنىڭ دەرماتولوگ دارىگەرى ايجان يتەميروۆا.
ءدارىنىڭ ءبىر سىقپاسى 2000 تەڭگە تۇرادى. بۇل شەتەلدىك بالاما ونىمدەردەن اناعۇرلىم ارزان دەيدى ماماندار.
«جاقپا ماي دەنەنىڭ سىرتىنا قولدانىلادى. نەگىزگى اسەر ەتۋشى كومپونەنت - روزەوفۋنگين پوليەن انتيبيوتيگى، كومەكشى كومپونەنت - پوليەتيلەنگليۋكول. پوليەن انتيبيوتيگىنە ادام اعزاسى باياۋ ۇيرەنەدى، ياعني بۇل پرەپارات ءتيىمدى بولادى دەگەن ءسوز»، - دەدى ينستيتۋتتىڭ انتي بيوتيكتەر زەرتحاناسىنىڭ مەڭگەرۋشىسى اسيا بالعىمبايەۆا.
بۇل پرەپارات ينستيتۋتتىڭ زەرتحاناسىندا جاسالىپ جاتىر. جاقىندا وندىرىسكە شىعارىلادى.
«ديستريبيۋتورلاردان ۇسىنىس ءتۇسىپ جاتىر. ءبىراق ازىرگە ءوزىمىز شىعارا الامىز. زاۋىتتىڭ قۋاتتىلىعى جىلىنا 10-15 مىڭ تيۋبيك ءدارى شىعارۋعا كومەكتەسەدى. كەلەسى جىلعا كولەمدى ۇلعايتۋعا تىرىسامىز. روزەوفۋنگين - تىركەلگەن تاۋارلىق بەلگى. د س ۇ پاتەنتى مەن ق ر د س م فارماتسيا كوميتەتىنىڭ تىركەۋى بار»، - دەدى ا. سادانوۆ.
اۆتور: گۇلميرا عوسمانالي
