بەيجىڭدە قازاق كۇرەسىنەن ازيا فەدەراتسياسىنىڭ كەڭسەسى اشىلدى

شاراعا قاتىسۋشىلار الدىندا دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەيەۆ ءسوز الىپ، قازاقستان تاۋەلسىزدىك العان جىلداردان كەيىنگى اتالعان سپورت ءتۇرىنىڭ دامۋ تاريحى تۋرالى قىسقاشا بايانداپ ءوتتى.

س. توكەيەۆ قازاق كۇرەسىنەن ازيا فەدەراتسياسىنىڭ پرەزيدەنتى سەرىك كەنەنباي، ق ح ر ۇلتتىق وليمپيادا كوميتەتىنىڭ ءتوراعاسى سۋن تسزيانلين جانە باسقا دا بەيجىڭدەگى قازاق كۇرەسىنەن ازيا فەدەرتسياسى كەڭسەسىنىڭ اشىلۋىنا ۇلەس قوسۋشىلارعا العىسىن ءبىلدىردى.

«ق ح ر- ىندا قازاق كۇرەسىنەن ءىرى حالىقارالىق جارىستار 2011 - جىلدان بەرى وتكىزىلىپ كەلەدى. 2013 -جىلى اقساي قازاق اۆتونوميالىق اۋدانىندا ەرەسەكتەر اراسىنداعى 9- ازيا چەمپيوناتى وتكىزىلدى. 2015 -جىلى التاي ايماعىندا 11-  ازيا چەمپيوناتى، 2016 -جىلى موڭعولكۇرە قالاسىندا 6- الەم چەمپيوناتى وتكىزىلدى» ، - دەپ اتاپ ءوتتى ول.

س. توكەيەۆ قازاق كۇرەسى 2018 -جىلى يندونەزيانىڭ استاناسى دجاكارتا قالاسىندا وتەتىن جازعى ازيا ويىندارىنىڭ باعدارلاماسىنا ەنگىزىلۋى مۇمكىن ەكەندىگىن اتاپ ءوتتى.

 ايتا كەتەيىك، دۇنيەجۇزىلىك قازاق كۇرەسى فەدەراتسياسى 2004 -جىلى ميۋنحەن قالاسىندا (گەرمانيا) وتكەن دۇنيەجۇزى قازاقتارىنىڭ قۇرىلتايىندا قۇرىلعان بولاتىن.

 2004 -جىلدان 2010 -جىلعا دەيىن ءۇش الەمدىك بىرىنشىلىك (2006 - الماتى، 2008-ورسك، 2010 - استانا) جانە ءبىر ەۋروپا چەمپيوناتى وتكىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى