ق ر پرەزيدەنتى بيزنەسكە قولايلى جاعداي جاساعان اكىمدى ماراپاتتايدى
بۇل تۋرالى بۇگىن ەلوردادا ءوتىپ جاتقان «Kazakhstan Global Investment Roundtable» فورۋمىندا ق ر پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات.
«ۇكىمەت ينۆەستيتسيالىق احۋال كوپ جاعدايدا جەرگىلىكتى جەرلەردەگى بيلىك ورگاندارىنىڭ ءىس-ارەكەتىنە بايلانىستى ەكەندىگىن تۇسىنەدى. سوندىقتان دا ءبىز اعىمداعى جىلى سۋبۇلتتىق رەيتينگ دەپ اتالاتىن بيزنەس جۇرگىزۋدىڭ جەڭىلدىگى بويىنشا وڭىرلەردى باعالاۋدىڭ جاڭا رەيتينگىن ەنگىزدىك. ەرتەڭ مەملەكەت باسشىسى اتالعان سۋبۇلتتىق رەيتينگ اياسىندا ءبىرىنشى ورىن العان اكىمگە جۇلدە تابىستايدى»، - دەدى ق ر پرەمەر-ءمينيسترى.
سونىمەن قاتار باقىتجان ساعىنتايەۆ ينۆەستيتسيا ءۇشىن الەمدىك باسەكە ارتىپ وتىرعان زاماندا ءاربىر ينۆەستور ءۇشىن كۇرەسۋ قاجەتتىگىن باسا ايتتى.
«ءبىز وعان دايىنبىز. بۇگىن قازاقستان ۇكىمەتى ينۆەستورلار ءۇشىن بارىنشا قولايلى جاعداي جاساۋ ساياساتىنان ءوزىنىڭ تايمايتىندىعىن مالىمدەيدى»، - دەدى ۇكىمەت باسشىسى.
