بەيسەن قۇرانبەك تالدىقورعانداعى ۇزىن كوشەنى «جانسۇگىروۆ» دەپ اتاۋعا قارسى شىقتى
«تالدىقورعانداعى ەڭ ۇزىن كوشە - جانسۇگىروۆ كوشەسى. جانسۇگىروۆ دەگەن ادام تاريحتا بولماعان. جانسۇگىر دەگەن بولعان. ول كىسى اقسۋدا تۋىپ، الاشقا اتى شىققان اقيىق اقىن ءىلياستىڭ اكەسى. ال كوشە ءىلياسقا بەرىلگەن. ولاي بولسا، كوشەنىڭ اتى نەگە ءىلياس كوشەسى دەپ اتالمايدى؟ سوۆەتتىك كەزەڭنىڭ وزىندە اباي كوشەسى دەپ اتادىق عوي، اباي قۇنانبايەۆ كوشەسى ەمەس. نەمەسە ءىلياس اقىن كوشەسى. تالدىقورعاندا اقىن سارا دەگەن جاپ-جاقسى اتاۋلى كوشە بار عوي. تىم بولماسا، ءىلياس جانسۇگىر ۇلى كوشەسى. «وۆ» پەن «يەۆ» -تىڭ قاجەتى قانشا؟ ونى ءبارىبىر كەيىنگى ۇرپاق الىپ تاستايدى. سوندىقتان كەيىن وزگەرتپەۋ ءۇشىن كوشەنىڭ اتىن بىردەن دۇرىستاپ قويۋ كەرەك-اۋ...»، - دەپ جازدى بەيسەن قۇرانبەك جەلىدەگى پاراقشاسىندا.
