جەتىستىككە جەتەلەيتىن جەتى ءدارى
كىتاپتاعى ەڭ باي كەيىپكەر - اركاد. ول ءوزىنىڭ ەلىنە ءوزىنىڭ بايلىعى جايىندا ايتۋ ءۇشىن ارنايى ءدارىس جۇرگىزەدى. ءدارىس جۇرگىزۋ كەزىندە اركاد تاڭداپ العان ءجۇز ادامعا «جەتىستىككە جەتەلەيتىن جەتى ءدارى» تۋرالى ايتىپ بەرەدى. ول قانداي ءدارى، پايداسى قانداي؟
ءبىرىنشى ءدارى: ءاميانىڭىزدى تولتىرۋدى باستاڭىز قازىردەن باستاپ بۇل ادىسكە كوشىڭىز. ياعني ءار اي سايىن 10000 تەڭگە تاپساڭىز، سونىڭ مىڭ تەڭگەسىن جيناپ قويىڭىز. نەمەسە ءجۇز مىڭ تەڭگەنىڭ ون مىڭ تەڭگەسىن جيناڭىز. وسى ۋاقىتقا دەيىن ءجۇز مىڭ تەڭگەنى تۇگەلىمەن قاجەتتىلىكە جاراتىپ جۇرگەن بولساڭىز، ەندى توقسان مىڭ تەڭگەنى عانا جۇمساپ كورىڭىز. تۋرا سول شىعىن شىعادى. تەك قىدىرۋىڭىز، كۇندەلىكتى شاشىلۋىڭىز ازايادى.
ەكىنشى ءدارى: شىعىنداردى ەسەپتەڭىز كۇندەلىكتى كەتكەن شىعىندى ەسەپتەڭىز. ەڭ قىمبات شىققان قاجەتتىلىكتەن باستاپ ەڭ ارزان تيىنعا الىنعان شىعىندى جازىڭىز. ەسەپتەڭىز. كۇن سايىن ءار شىعىندى قىسقارتۋعا تىرىسىڭىز. قالتاڭىزدا اقشاپ كوپ قالعان سايىن كوڭىلىڭىز وزىڭىزگە تولاتىن بولادى. ول ءۇشىن كۇندەلىكتى كەتسە قۇرىڭىز جانە سونىمەن جۇمىس جاساڭىز. ساتىپ العان شىعىندى جازىپ ءجۇرىڭىز، ەسەبىن كەشكە شىعاراسىز.
ءۇشىنشى ءدارى: كىرىستىڭ كوبەيۋىن قاداعالاڭىز ءار اي سايىن جيناپ جۇرگەن ون مىڭ تەڭگەڭىزدى ەندى كوبەيتىڭىز. سەبەبى سىزگە ءبىر ورىندا تۇراقتاپ قالۋعا بولمايدى. ول ءۇشىن تاعى دا كىرىس كوزدەرىن قاراۋ كەرەك. سول ارقىلى اي سايىنعى جينالۋ كەرەك اقشانىڭ سانىن كوبەيتىپ، پايدا تابۋ جاعىن ويلاڭىز.
ءتورتىنشى ءدارى: كىرىستى جوعالتىپ الۋدان اباي بولىڭىز بۇل قالىپتى جاعداي دا بولار. دەگەنمەن كىرىسكە يە بولىڭىز. ياعني ۇرلاتىپ الۋدان ساقتانىڭىز. ۇرلاپ الۋ ماسەلەسى دە جەڭىل ەستىلەدى. ەندى جامانى جيناعان اقشانى بەلگىلى ءبىر ىسكە سالۋعا اسىقپاڭىز. سەبەبى ول كاسىپتىڭ شەت- جاعاسىن بىلمەي جاتىپ، كوزدى جۇمىپ تۇرىپ، تىرنەكتەپ جيعان اقشانى جوق قىلىپ جىبەرمەڭىز. بۇل وتە ماڭىزدى.
بەسىنشى ءدارى: تابىستى ۇيگە سالىڭىز بىزگە ءتان تۇسىنىك. ايلىقتان بولەك جيناپ جاتقان اقشاڭىزدى ءۇي ساتىپ الۋعا جيناڭىز. بۇل ۇلكەن كىرىس. سەبەبى ول جىلجىمايتىن مۇلىك بولعاننان كەيىن ونىڭ ءبىر كۇنى بولماسا ءبىر كۇنى سىزگە پايدا اكەلەرى انىق. ودان بولەك جوعالتىپ الامىن دەپ الاڭدامايسىز. ول تۇرعان جەرىندە تۇرا بەرەدى جانە سىزگە پايدا اكەلمەسە، شىعىن كەلتىرمەيدى.
التىنشى ءدارى: بولاشاقتى دا ويلاڭىز كىرىستىڭ كوپ بولعانى جاقسى. سەبەبى ءوزىڭىزدى عانا ويلاماڭىز. وزىڭىزدەن كەيىنگى ۇرپاقتى ويلاڭىز. بالاڭىزدى جانە نەمەرەڭىزدى قامتاماسىز ەتە الاتىن اقشا تاۋىپ، ونى سولارعا مۇراعا قالدىرىڭىز. ال ول مۇرانى جاساۋ ءۇشىن سىزگە كوپ ەڭبەكتەنۋ كەرەك.
جەتىنشى ءدارى: كىرىستىڭ جولىن كوبەيتىڭىز ءبىر تابىس كوزىمەن قالىپ قويماڭىز. كاسىپكە سالعان اقشاڭىزدان تۇسكەن پايدانى تاعى ءبىر كاسىپكە سالىڭىز نەمەسە سول كاسىپتىڭ ەكىنشى ءبىر نۇكتەسىن اشىڭىز. بۇل جان- جاقتىلىق ۇلكەن تابىس اكەلەدى.
Massaget.kz
