بۇكىل الەم قازاقستانعا ات باسىن بۇرۋ ءۇشىن

 باستى ەرەكشەلىك بىزدەگى ساقتالعان جادىگەرلەر مەن تاريحي مەكەندەر، ەسكەرتكىشتەر ودان قالا بەردى «ۇلى جىبەك جولىنىڭ» باتىس- شىعىس قاقپاسىنا اينالىپ ۇلگەرگەن كەرۋەن جولى. قازاقستاننىڭ تۋريزم سالاسىندا الاتىن ورنى الەمدىك ەڭ مىقتى وندىققا كىرۋگە مۇمكىندىگى بار. تۋريستەردى قىزىقتىراتىن جاسىل القاپ پەن ايدىن كولدار عانا ەمەس، مادەنيەتى تاڭسىق، ەرەكشە، كونەنىڭ كوزى بولاتىن ەسكەرتكىشتەر بولۋى دا عاجاپ ەمەس. ەۋروپا مادەنيەتى ەجەلگى گرەك پەن ريمدىكتەردىڭ جاساعان مۇسىندەرىنەن «شارشادى» . تۋريستەرگە جاڭا باعىتتاعى ىزدەنىس كەرەك. ال سول ىزدەنىستى جاساپ بەرۋگە ءبىزدىڭ ەلىمىزدىڭ ۇلكەن مۇمكىندىگى بار. باتىس پەن شىعىسى، سولتۇستىك پەن وڭتۇستىگى قانشا ما مىڭ شاقىرىمدى الىپ جاتقان، ۇشقان قۇستىڭ قاناتى تالاتىن قازاقستاننىڭ ۇلان- بايتاق دالاسى تۇنىپ تۇرعان مادەنيەت وشاعى.

 اينالاسىندا ەلدى- مەكەن جوق جاتقان دالانىڭ وزىندە تاريحي ەستەلىكتەر مەن ەجەلگى باتىرلاردىڭ، تايپالاردىڭ ءىزى بار. قازاقستانداعى تۋريزم اسسوتسياسىنىڭ مۇشەسى روديون پاكتىڭ ايتۋىنشا ءبىزدىڭ ەلىمىزدە ەجەلدەن قالعان ەسكەرتكىشتەر كوپ. «ۇلى جىبەك جولىنىڭ» قازاقستاننان ءوتۋىنىڭ ءوزى مەملەكەت ءۇشىن ماڭىزدى. سەبەبى ونىڭ بويىندا ورنالاقسان ءتۇرلى قالالاردىڭ مادەنيەتى ساقتالىپ قالعان. ال بۇكىل الەمنىڭ كوشىن قازاق ەلىنە الىپ كەلۋ ءۇشىن ۇلكەن ينۆەستيتسيا، ينفراقۇرىلىم كەرەك. ۇزىننان- ۇزىن سوزىلىپ جاتقان دالاعا دەمالىس ورىندارىن سالۋ، قوناق ءۇي، مادەني باعىتتاعى ەسكەرتكىشتەردى جاڭعىرتۋ كەرەك. سونىمەن قاتار الەمدىك برەندكە اينالعان تۋريستىك باعىتتاعى سايتتارعا، گازەت- جۋرنالدارعا ەلدىڭ ىشكى تۋريزم سالاسى بويىنشا جارناما جۇرگىزگەن ءتيىمدى.

 قازاقستانداعى دامۋشى تۋريستىك سالا تاۋعا شىعۋ جانە شىمبۇلاقتاعى شاڭعى تەبۋ دەمالىس ورىن. شاڭعى -  الەمدەگى سۇرانىسقا يە، ەڭ كەرەمەت سپورت ءتۇرىنىڭ ءبىرى. ەلىمىزدەگى شىمبۇلاقتىڭ ابىرويى ەۋروپاداعى شاڭعىمەن اينالىساتىن تۋريستىك ورتالىقتارمەن بىردەي. ەگەر شىمبۇلاقتى ءالى دە دامىتىپ، وعان تۋريستەر تارتاتىن بولسا، ەلدىڭ تۋريزم سالاسىنا الماتى قالاسىنىڭ ءوزى- اق ۇلكەن سالىم سالا الادى. قازاقستاندا ينفراقۇرىلىمدى دامىتاتىن قالالار كوپ. باستى قالالاردان بولەك تۋرسيتەر سىرتتان كەلە قالعان كەزدە كوزگە تۇسەتىن ەلدىڭ شەكارالاس جەردە جاتقان ەلدى- مەكەندەرگە جاعداي جاساي وتىرىپ، سولار ارقىلى ەلگە تۋريستەردى اكەلۋگە بولادى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى