بالەت ارتىستەرىنىڭ زەينەتكەرلىك جاسىن تومەندەتۋ قاجەت پە
ق ر پارلامەنت ماجىلىسىندە وتكەن ۇكىمەت ساعاتىندا ءماجىلىس دەپۋتاتى گۇلنار بيجانوۆا بالەت ارتىستەرى مەن ۇرلەمەلى اسپاپ مۋزىكانتتارىنىڭ جۇمىس ەرەكشەلىگى ماسەلەسىن كوتەردى.
«40-50 جاسقا تولعان بالەت ارتىستەرىنىڭ بالەت پارتيالارىن ورىنداعانىن ەلەستەتۋ قيىن. ۇرلەمەلى اسپاپ ورىنداۋشىلارى دا 45 جاستان كەيىن كاسىبي سىرقاتقا شالدىعا باستايدى. مينيسترلىك مادەنيەت قىزمەتكەرلەرىنىڭ جەكەلەگەن ساناتتارى بويىنشا زەينەتاقىسىن جەڭىلدىكپەن قايتارۋ ماسەلەسىن قاراۋ نەمەسە وزگەرىستەر مەن تولىقتىرۋلار ەنگىزۋدى جوسپارلاپ وتىر ما؟»، - دەپ ساۋال جولدادى دەپۋتات ق ر ەڭبەك جانە الەۋمەتتىك قورعاۋ ۆيتسە- ءمينيسترى سۆەتلانا جاقىپوۆاعا.
ءوز كەزەگىندە ۆيتسە- مينيستر مەكەمەنىڭ بالەت ارتىستەرى مەن وركەستر قىزمەتكەرلەرىنىڭ زەينەتكەرلىك جاسىن تومەندەتۋ ماسەلەسىن قاراستىرماعانىن جەتكىزدى.
سونداي- اق، ارىستانبەك مۇحامەدي ۇلى بالەت ارتىستەرىنىڭ زەينەتكەرلىك جاسى ماسەلەسىنىڭ ماتەريالدىقتان بۇرىن، مورالدىق جاعى بار ەكەنىن اتاپ ءوتتى.
«بالەتتە شامامەن 40 جاسقا دەيىن ونەر كورسەتۋگە بولادى. قىرىقتان كەيىن ساحناعا شىعۋدىڭ ءوزى كۇلكىلى. ارينە، ولاردى دالادا قالدىرمايدى جانە اقشاسىز قالدىرماۋ ءۇشىن شتاتتا ۇستايدى. شتات شەكتەۋلى بولعاندىقتان، جاس تالانتتاردىڭ جولىن بوگەپ وتىرمىز»، - دەيدى مينيستر.
مينيسترلىك باسشىسىنىڭ ايتۋىنشا، 50 جاسىندا جالاقى الىپ، ءبىراق ساحناعا شىقپايتىن ارتىستەر وزدەرىن ماسىل سەزىنەدى.
«كوپتەگەن جاسى كەلگەن بالەت ارتىستەرى ءوز ەرىكتەرىمەن جۇمىستان كەتەدى. شتاتتا تۇرعانشا، باسقا ىسپەن اينالىسايىن دەيدى. ءومىر بويى ءبىر ماماندىقتى، بالەتتى مەڭگەرگەن ادام ارينە، ەكونوميست بولىپ كەتپەيدى. ۇرلەمەلى اسپاپ ورىنداۋشىلارىنىڭ دا جاعدايى وسىنداي. 60 جاستا كەرنەي، ترومبوندا ويناۋ - فيزيولوگيالىق تۇرعىدا مۇمكىن ەمەس. سوندىقتان، ولاردىڭ كەيبىرى اكىمشىلىك جۇمىسپەن اينالىساتىن كىتاپحاناشى نەمەسە ينسپەكتور بولىپ كەتەدى، بۇل جۇمىستىڭ ءوزى بارىنە تابىلا بەرمەيدى»، - دەپ اتاپ ءوتتى ا. مۇحامەدي ۇلى.
ارىستانبەك مۇحامەدي ۇلىنىڭ ايتۋىنشا، قازاقستانداعى بالەت ارتىستەرىنىڭ سانى مىڭعا دا جەتپەيدى.
«ۇرلەمەلى اسپاپتار دا سول شامادا. ولاردىڭ سانى ەل ەكونوميكاسىنا شىعىن كەلتىرەتىندەي كوپ ەمەس»، - دەپ ءوز ءسوزىن تۇيىندەدى مينيستر.
اۆتور: ايجان سەرىكجان قىزى
