فۋتزال: قازاقستان رەسەيمەن تەڭ وينادى

قازاقستان، رەسەي، يران جانە ازەربايجان قۇرامالارى قاتىسىپ جاتقان «ءتورت ۇلت» ءتۋرنيرى باستالدى. كاكاۋ شاكىرتتەرى ءبىرىنشى ويىندا رەسەي قۇراماسىن قابىلداپ، 3:3 ەسەبىمەن تەڭ وينادى.

ءبىرىنشى گولدى كوماندا كاپيتانى شىڭعىس ەسەنامانوۆ سوقتى. ارتىنشا رەسەيلىكتەر دميتري لىسكوۆ پەن ارتەم نيازوۆتىڭ كومەگىمەن العا شىقتى. مۇنان سوڭ ەسەنامانوۆ تارازى باسىن تەڭەستىردى. كەزدەسۋ اياقتالار تۇستا قوس كوماندا تاعى ءبىر-ءبىر گولدان ەنگىزىپ، تەڭ تارقاستى.

ەندى ۇلتتىق قۇراما ەرتەڭ الاڭ يەلەرىمەن كەزدەسەدى. ويىن استانا ۋاقىتىمەن 20:30 دا باستالادى.

ەسكە سالايىق، «ءتورت ۇلت» تۋرنيرىندە كوماندالار ءبىر اينالىم وتكىزەدى. ەڭ كوپ ۇپاي جيناعان قۇراما جەڭىمپاز اتانادى. تۋرنير 6- جەلتوقساندا اياقتالادى.

اۆتور: باتىر جولاي ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى