اقتوبەلىك جاپىراققا ديماش پەن گولوۆكيننىڭ پورترەتتەرىن بەينەلەدى - فوتو
اقتوبە وبلىسى، العا اۋدانىندا تۇراتىن التىنبەك سەيداليەۆ اعاش، تەمىر، پلاستماسسا، قاعازدان ءتۇرلى بۇيىمدار جاسايدى. ءتىپتى جۇمىرتقادان، قارىنداشتان كادەسىيلار ازىرلەپ ءجۇر. شىدامدىلىق پەن ۇقىپتىلىقتى قاجەت ەتەتىن قولونەر بۇيىمدارى كوپتى تاڭقالدىرادى، سۇيسىندىرەدى.
مۇنىڭ ءبارىن شەبەر العاداعى ورتا مەكتەپ وقۋشىلارىمەن بىرگە ىسكە اسىرادى. شەبەردىڭ شاكىرتتەرى دە ءتۇرلى تاجىريبەلەر جاساپ، موتوتسيكلدىڭ ۇلگىسىن، اعاشتان بەسىك، پەنوپلاستتان مۇسىندەر دايىنداپ ءجۇر. ال اعاش جاپىراعىنان جاسالاتىن بۇيىمدارى وتە نازىك جۇمىس. مۇندا قاتەلەسۋگە، ارنايى وڭدەۋدەن وتكەن جاپىراقتى بۇلدىرۋگە بولمايدى.
«دريم- ارت ستيلىندە سۋرەت سالۋ ونەرى اقتوبەدە جوق. سەبەبى، بۇل وتە قيىن جۇمىس. ارنايى وڭدەلگەن جاپىراققا سۋرەت سالۋ ءۇشىن ستوماتولوگيا كابينەتىنە قاجەتتى اپپارات قولدانىلادى. جاپىراقتى الدىمەن شايعا قايناتىپ، كەپتىرۋ پروتسەسى جۇرەدى. ونىڭ بابى مىقتى. قاتتى كەۋىپ كەتۋگە جول بەرمەۋىمىز كەرەك. ىلعال مەن قۇرعاقتىڭ ورتاسىنداعى بالانستى ۇستاۋ ءۇشىن جاپىراقتى باستىرىپ قويامىز. كىتاپتىڭ اراسىنا سالىپ، بىرنەشە كۇن ساقتايدى. كەيىن ءبىر كۇندە سۋرەت سالىنادى. مەن ءوز قالاۋىممەن، ۇناعان تاقىرىپتى جاپىراق بەتىنە تۇسىرەمىن»، - دەدى شەبەر التىنبەك سەيداليەۆ.
شەبەر وسى جولمەن جاپىراقتى وڭدەپ، اقتوبە وبلىسىنىڭ اكىمى بەردىبەك ساپاربايەۆ، بوكسشى گەنناديي گولوۆكين، ءانشى ديماش قۇدايبەرگەندى جانە بالالىق شاق، «ەكسپو-2017» حالىقارالىق كورمەسى، جانۋارلار تاقىرىبىن قامتىدى. ءبارى ميكروسكوپپەن سالىنادى. كوزدىڭ مايىن تاۋىساتىن جۇمىستىڭ كەيبىرى سىيعا بەرىلدى، كەيبىرىن شەبەر ءوزى ساقتاپ ءجۇر.
«ءبىر بەينەنى دايىنداۋ ءۇشىن 4 كۇن ۋاقىت قاجەت. سۋرەت سالۋ پروتسەسى باستالعان كەزدە ءۇزىلىس جاسالمايدى. سەبەبى، جاپىراق تەز كەۋىپ كەتەدى. سول جولمەن بوكسشى گەننادي گولوۆكيندى جاسادىم. ول قازاقستاننىڭ اتىن تانىتىپ، الەمدىك ارەنادا ەلىمىزدىڭ نامىسىن قورعاپ ءجۇر. ال ءانشى ديماش قۇدايبەرگەندى انام ءسۇيىپ تىڭدايدى. ءانشىنىڭ بەينەسى بار جاپىراقتى انامنىڭ تۋعان كۇنىنە ارنايى دايىنداپ، سىيلادىم. وبلىس اكىمى بەردىبەك ساپاربايەۆتىڭ پورترەتى باسشىنىڭ وزىنە سىيعا بەرىلدى»، - دەدى شەبەر.
ۇستاز التىنبەك سەيداليەۆ بالا كەزدەن بەرى اعاش، تەمىردەن ءتۇرلى بۇيىم جاساپ ءجۇر. ول العا اۋدانىنداعى №4 -ورتا مەكتەپتە تەحنولوگيا، سۋرەت سالۋ پاندەرىنەن ساباق بەرەدى. بالعا مەن شەگەگە ەمەس، زاماناۋي تەحنولگياعى ءۇيىر وقۋشىلاردى قىزىقتىرۋ ءۇشىن شەبەر ءتۇرلى تاجىريبەلەر جاساپ، كەز كەلگەن بۇيىمنان جاڭا دۇنيە دايىندايدى. قازىر ديم- ارت ستيلىندە ەسەت باتىر ەسكەرتكىشىنىڭ سۋرەتىن سالۋدى جوسپارلاپ ءجۇر. كەيىن بۇل جاپىراقتان جاسالعان سىيدى لوميناتتاپ، ساقتاۋعا بولادى.
