قازاق قىزى گۇلجامال تاەكۆوندودان الەم كۋبوگىنىڭ چەمپيونى اتاندى

جارىسقا 35 مەملەكەتتەن 2000 عا جۋىق سپورتشى قاتىستى، دەپ حابارلايدى ەكىباستۇز اكىمدىگىنىڭ دەنە شىنىقتىرۋ جانە سپورت ءبولىمى.

قازاقستان رەسپۋبليكاسىنىڭ نامىسىن پاۆلودار وبلىسىنىڭ ي ت ف تاەكۆوندو فەدەراتسياسىنىڭ ءتورت سپورتشىسى قورعادى: الي ۋزحانوۆ، رۇستەم نۇروۆ، گۇلجامال مىرزاحان، الينا سامبۋيەۆا. سپورتشىلار - ەكىباستۇز قالاسى 1-ب ج س م- ءنىڭ تاەكۆوندو ءبولىمىنىڭ اعا-جاتتىقتىرۋشىسى ازامات شاكيلوۆتىڭ تاربيەلەنۋشىلەرى.

جارىستىڭ قورىتىندىسى بويىنشا الي ۋزحانوۆ 45 كەلى سالماق دارەجەسىندە 14-15 جاستاعى جاس وسپىرىمدەر اراسىندا كۇمىس جۇلدەگەر اتاندى. ول 21№ ج و ب ب م- ءنىڭ 10-سىنىپ وقۋشىسى. 7  جىلدان بەرى سپورتپەن شۇعىلدانادى. ءبىر اي بۇرىن قازاقستان رەسپۋبليكاسىنىڭ سپورت شەبەرى اتاعىنا يە بولعان.

نۋروۆ رۋستام 35 كەلى سالماق دارەجەسىندە كادەتتەر اراسىندا جۇلدەلى ەكىنشى ورىندى جەڭىپ الدى. رۋستام 24№ ج و ب ب م- ءنىڭ 7-سىنىپ وقۋشىسى. تاەكۆوندومەن 4 جىلدان بەرى اينالىسادى.

الينا سامبۋيەۆا تۇعىردىڭ ەكىنشى ساتىسىنا كوتەرىلدى. جۇلدەگەر اباي قۇنانبايەۆ اتىنداعى 2№ ج و ب ب م- ءنىڭ 5-سىنىپ وقۋشىسى. سپورتتىڭ بۇل تۇرىمەن نەبارى 3 جىل اينالىسادى.

سونداي-اق، گۇلجامال مىرزاحان 2017-جىلعى الەم كۋبوگىنىڭ چەمپيونى اتاعىنا يە بولدى. وتكەن جىلى ول ءبىرىنشى ورىندى يەمدەنگەن بولاتىن. گۇلجامال اباي قۇنانبايەۆ اتىنداعى 2№ ج و ب ب م- ءنىڭ 7-سىنىپ وقۋشىسى. سپورتتىڭ بۇل تۇرىمەن 1-سىنىپتان باستاپ اينالىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى