ايدىڭ ەرەكشە قۇبىلىسى: كىمدەردىڭ زارداپ شەگۋى مۇمكىن
ەسكە سالا كەتەيىك، 4 -جەلتوقساندا ايدىڭ ەرەكشە قۇبىلىسى بايقالاتىندىعى تۋرالى بۇعان دەيىن حابارلاعان بولاتىنبىز.
ن س ن- عا بەرگەن سۇحباتىندا پسيحياتر- كريميناليست ميحايل ۆينوگرادوۆ، پسيحيكاسى تۇراقسىز ادامدار مۇنداي قۇبىلىستاردى كورگەندە ۇرەيلەنەتىندىگى تۋرالى ايتتى.
«ادامدار ءبارىبىر قورقادى. ارينە، ادەتتەگىدەن ۇلكەن اي جەرگە جاقىنداپ كەلە جاتقانىن كورۋ ادامعا قورقىنىش سەزىمىن شاقىرارى شىندىق»، - دەيدى ول.
دۇيسەنبى كۇنى ايدىڭ تاڭعاجايىپ قۇبىلىسىن - ادەتتەگىدەن ۇلكەن ايدى كورۋگە بولادى جەلتوقسانداعى ايدىڭ تولۋى 3 -جەلتوقسان كۇنى استانا ۋاقىتىمەن 21:49 دا شەگىنە جەتەدى. ال 4 -جەلتوقسان كۇنى شامامەن ساعات 11:43 تە اي جەرگە 2017 -جىلداعى ەڭ جاقىن نۇكتەسىنە جاقىندايدى.
ايتا كەتسەك، ماسكەۋدىڭ پروفيلاكتيكالىق مەديتسينا جونىندەگى باس مامانى نانا پوگوسوۆا ريا نوۆوستيگە بەرگەن سۇحباتىندا ايدىڭ جەرگە ەڭ جاقىن نۇكتەسىنە كەلگەندە تولۋى ەرەكشە اسەرلەنگىش، كوڭىلشەك ادامداردىڭ پسيحيكالىق كۇيىنە اسەر ەتۋى مۇمكىن ەكەنىن، الايدا جالپى، بۇل قۇبىلىستان ەشكىم ەشقانداي زارداپ شەكپەيتىنىن ايتتى.
