استانا اكىمدىگى كولىك قوزعالىسىن تىڭ ادىستەرمەن رەتتەمەك
«قولدانىس كەزىندە جولداردا كەم- كەتىكتەردىڭ پايدا بولۋى - قالىپتى قۇبىلىس. دەسە دە، جولدىڭ جاعدايىنا كليماتتىق، توپىراقتى- گەولوگيالىق جانە گيدرولوگيالىق جايلار دا ۇلكەن اسەرىن تيگىزەدى. قالا ىشىندەگى جولداردا قوزعالىستى قاۋىپسىز ەتۋ ءۇشىن جولعا جاۋاپتى قىزمەتتەر تۇراقتى تۇردە مونيتورينگ جۇرگىزىپ وتىرادى. جولدا كەم- كەتىكتەر انىقتالعان جاعدايدا ونى قالپىنا كەلتىرۋ جۇمىستارى جۇرگىزىلەدى»، - دەيدى رەداكسيانىڭ رەسمي سۇراۋ حاتىنا جاۋاپ بەرگەن باسقارما.
باسقارمانىڭ جاۋابىنا سايكەس، جولدىڭ وتەتىن بولىگىندە سۋ تۇنعان ۇساق شۇڭقىرلاردى قالپىنا كەلتىرۋ جۇمىسىن اۆتوكولىك جولدارى باسقارماسىنىڭ ماماندارى اۋدان اكىمدىكتەرىنىڭ، استانا قالاسىنىڭ كوممۋنالدىق قىزمەتكەرلەرىمەن بىرگە باقىلايدى.
«ءبىز كەشەندى تۇردە اۆتوكولىك جولدارى مەن جول قۇرىلىمدارىنا زەرتتەۋ جۇمىسىن جۇرگىزەمىز. وسىنىڭ قورىتىندىسى بويىنشا جولدىڭ ماسەلەلى بولىكتەرىندەگى كەمشىلىكتەردىڭ كوزىن جويۋ جۇمىسى جۇرگىزىلەدى. جول بويىنداعى كەم- كەتىكتەردى تۇزەۋ جۇمىستارى كەلەسى جىلى جالعاساتىن بولادى»، - دەپ حابارلايدى باسقارمادان.
سونىمەن قاتار، اكىمدىك كولىكتەردىڭ قوزعالىسى ءۇشىن ىڭعايلى ءارى تىڭ ادىستەردى ويلاستىرىپ جاتىر. كەلەسى جىلى استانا قالاسىنداعى 7 كوشەنىڭ وتپەسىن وڭعا بۇرىلۋعا بولاتىنداي جوندەۋ تۋرالى شەشىم قابىلدانعان. قازىرگە دەيىن 5 كوشە بويىنشا جۇمىس اياقتالعان. ناقتىراق ايتقاندا، رەسپۋبليكا مەن سەيفۋللين كوشەلەرىنىڭ قيىلىسىندا وڭعا بۇرىلۋعا بولاتىنداي ەتىپ قايتا جاساۋ 27 -قازاندا اياقتالعان.
