ساۋد ارابياسىندا تەك ايەلدەر بارعان كونسەرت ءوتتى
دەپ حابارلايدى ت ا س س.
پارسى شىعاناعىنىڭ ەڭ تانىمال ۆوكاليستەرىنىڭ ءبىرى ب ا ءا تۋماسى بالكيس فاتحي ساۋد ارابياسىنداعى ەكىنشى ءىرى قالا دجيدداتا كونسەرت بەردى. كونسەرت كورولدىكتىڭ كۇندەلىكتى ومىرىندەگى ماڭىزدى شارالاردىڭ ءبىرى بولۋمەن قاتار وسى اپتادا ەڭ قىزۋ تالقىلانعان وقيعالاردىڭ بىرىنە اينالدى.
«كونسەرت باستالاردان ون كۇن بۇرىن بيلەتتەر ساتىلىمعا شىعارىلدى. التى ساعاتتىڭ ىشىندە 3 مىڭ بيلەتتىڭ جارتىسىنان استامى ساتىلدى»، - دەيدى كونسەرتتى ۇيىمداستىرۋمەن اينالىساتىن كومپانيانىڭ باسشىسى گادا گازاۆي. كەيبىر ورىنداردىڭ باعاسى 2,5 مىڭ ريالعا (شامامەن 700 ا ق ش دوللارى) دەيىن جەتكەنىن ايتا كەتكەن ءجون.
كونسەرتتە اراب ۇلتتىق اندەرى ايتىلىپ، ءداستۇرلى بيلەر كورەرمەندەرگە تارتۋ ەتىلدى.
