ت م د ەلدەرىنىڭ ديپلوماتتارى بەيجىڭدەگى جاپپاي جۇگىرۋگە قاتىستى
دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
اتالمىش شارا بەيجىڭ اقپاراتتىق تەحنولوگيالار كوللەدجىنىڭ ستاديونىندا وتكىزىلدى. وعان قازاقستان، رەسەي، بەلارۋس ەلشىلىكتەرى مەن شاڭحاي ىنتىماقتاستىق ۇيىمى حاتشىلىعىنىڭ وكىلدەرى قاتىستى.
شارا باستالماس بۇرىن ق ح ر- داعى ق ر ەلشىسى شاحرات نۇرىشيەۆ ءسوز الدى.
«ءبىزدىڭ ەلىمىزدىڭ جەتكەن جەتىستىكتەرى تۇڭعىش پرەزيدەنتىمىز نۇرسۇلتان نازاربايەۆتىڭ ەسىمىمەن تىكەلەي بايلانىستى. حالقىمىز ءوز پرەزيدەنتىن قۇرمەتتەيدى، ونىڭ سىندارلى جانە كورەگەن ساياساتىن قولدايدى. تۇڭعىش پرەزيدەنت كۇنى - بىزدەگى پارلامەنت دەپۋتاتتارىنىڭ باستاماسىمەن بەكىتىلدى. ءبىز بۇگىن العاشقى جۇگىرۋدى وتكىزەمىز جانە سىزدەردىڭ قولداۋلارىڭىزبەن جىل سايىن وتكىزىلەدى دەپ سەنەمىز»، - دەدى ەلشى.
2400 مەتر قاشىقتىقتان ءبىرىنشى بولىپ قازاقستاندىق ديپلومات ساناند الىبايەۆتىڭ 14 جاستاعى ۇلى كەلدى، ەكىنشى - قازاقستان ەلشىلىگىنىڭ ءۇشىنشى حاتشىسى داۋرەن راحمەتوۆ، ءۇشىنشى بولىپ بەلارۋس ەلشىلىگىنىڭ اتتاشەسى يليا جەلۋدوۆ مارە سىزىعىنان ءوتتى.
بەيجىڭ اقپاراتتىق تەحنولوگيالار كوللەدجىنىڭ حالىقارالىق ىنتىماقتاستىق جونىندەگى باسقارماسىنىڭ باسشىسى سزيا سينشۋي قازاقستاندىقتاردى ق ر تۇڭعىش پرەزيدەنتى كۇنىمەن قۇتتىقتاپ، الداعى ۋاقىتتاعى قازاقستان مەن قىتاي اراسىنداعى ستراتەگيالىق ىنتىماقتاستىقتىڭ نىعايۋىنا سەنىم ءبىلدىردى.
«ءبىزدىڭ ەلدەرىمىز اراسىنداعى ستراتەگيالىق بايلانىس اسىرەسە «ءبىر بەلدەۋ، ءبىر جول» باعدارلاماسى اياسىندا جىل وتكەن سايىن نىعايىپ كەلەدى. مادەني- گۋمانيتارلىق باعىتتاعى، سونداي- اق ق ح ر مەن ق ر اراسىنداعى ءبىلىم سالاسىنداعى ءوزارا ارەكەتتەستىكتىڭ تەرەڭدەپ كەلە جاتقانىن اتاپ وتكىم كەلەدى. ءبىزدىڭ كوللەدجىمىزدە قازاقستاندىق ستۋدەنتتەر ءبىلىم الادى. ق ح ر ءتوراعاسى شي جينپيڭ مەن قازاقستان پرەزيدەنتى نۇرسۇلتان نازاربايەۆ اراسىنداعى دوستىق بايلانىس ۇلكەن ماڭىزعا يە»، - دەدى ول.
