وزبەكستان قازاقستاننىڭ كولىك نارىعىنا دەندەپ ەنبەك

 اتالعان قۇجاتقا ەكى كومپانيا باسشىلارىنىڭ ورىنباسارلارى - يۋريي افاناسيەۆ پەن رۋستام ۋسمانوۆ قول قويعان، دەپ حابارلايدى قازاقپارات ءتىلشىسى Podrobno.uz  سايتىنا سىلتەمە جاساپ.

مەموراندۋم اياسىندا ەلىمىزدەگى اۆتوموبيل جاساۋ سالاسىنداعى كاسىپورىنداردىڭ تەحنيكالىق بازاسىن جاڭارتۋ جوسپارلانعان. «ۋزاۆتوسانواتتىڭ» ونىمدەرىن «AllurGroup» كومپانياسىنىڭ ءوندىرىس وشاقتارىنا جەتكىزۋ شارالارى دا قاراستىرىلىپ وتىر. قۇجاتتا ءوزارا ساۋدا، تاۋار الماسۋ، ەكسپورت- يمپورتتىق وپەراتسيالار، اقپارات الماسۋ مەن قىزمەت كورسەتۋ، ءتىپتى بىرلەسكەن جوبالاردى ىسكە اسىرۋ جوسپارى بار.

«مەموراندۋمعا سايكەس، تاراپتار قازاقستان نارىعى ءۇشىن شىعارىلاتىن ونىمدەردىڭ مودەلدىك قاتارىن كەڭەيتۋدى دە قاراستىرۋدا. ارىپتەس كومپانيالار نارىقتىڭ سۇرانىسىنا قاراي ءونىم ءوندىرۋ كولەمىن ارتتىراتىن بولادى»، - دەلىنگەن رەسمي حابارلامادا.

 بۇعان دەيىن «AllurGroup» كومپانياسى وزبەكستاننىڭ تاعى ءبىر كولىك ءوندىرۋشىسى - GM Uzbekistan- مەن كەلىسىم جاساسىپ، قوستانايدا «Ravon Nexia R3» كولىگىن شىعارۋدى قولعا العانىن جاريالاعان ەدى.

 ايتا كەتەيىك، «الليۋر كومپانيالار توبى» ا ق - قازاقستانداعى ءىرى كولىك ءوندىرۋشى «سارى ارقا اۆتوپروم» ج ش س- ءنىڭ، اۋىل شارۋاشىلىعى تەحنيكاسىن شىعاراتىن «اگروماش حولدينگ» ا ق- نىڭ اكسيونەرى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى