باقىتجان ساعىنتايەۆ ق ح ر پرەمەرى لي كىشياڭمەن كەزدەسۋ وتكىزدى
اۋعانستان يسلام رەسپۋبليكاسىنىڭ اتقارۋشى بيلىگىنىڭ باسشىسى ابدۋللا ابدۋللامەن كەزدەسۋ كەزىندە قازاقستان مەن اۋعانستان اراسىنداعى ساۋدا- ەكونوميكالىق، گۋمانيتارلىق، اسكەري- تەحنيكالىق سالاداعى ءوزارا قارىم- قاتىناس پەن ورتالىق ازيا ايماعىنداعى قاۋىپسىزدىكتى كۇشەيتۋ ماسەلەلەرى تالقىلاندى.
قازاقستان پرەمەر- ءمينيسترى ءوز سوزىندە قازاقستان رەسپۋبليكاسى تاراپىنان ازىق- تۇلىك تۇرىندە گۋمانيتارلىق كومەك كورسەتىلەتىنىن اتاپ ءوتتى. ازىق- تۇلىك جۋىق ارادا جەتكىزىلەدى.
باقىتجان ساعىنتايەۆ سونىمەن قاتار، ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەسۋ وتكىزدى. كەزدەسۋ بارىسىندا ساۋدا- ەكونوميكالىق جانە ينۆەستيتسيالىق سەرىكتەستىك ماسەلەلەرى بويىنشا كەڭ اۋقىمداعى سۇراقتار تالقىلاندى. اسىرەسە، وندىرىستىك، جانە يندۋستريالىق سالادا سەرىكتەستىكتى نىعايتۋ جۇمىسىنا باسا ماڭىز بەرىلدى. بۇل باعىتتا تاراپتار بىرلەسكەن قازاقستاندىق- قىتايلىق يندۋستريالدى- ينۆەستيتسيالىق باعدارلامانىڭ ماڭىزدىلىعىنا ەرەكشە توقتالدى. بۇگىنگى تاڭدا جالپى قۇنى 27 ميلليارد دوللار تۇراتىن 51 ينۆەستيتسيالىق جوبانىڭ ءتىزىمى جاسالىپ وتىر.
ەكىجاقتى تاۋار اينالىمى بيىلعى جىلى ءوسىمنىڭ وڭ ديناميكاسىن كورسەتكەن. اۋىل شارۋاشىلىعى سالاسىنداعى سەرىكتەستىكتىڭ دامۋ كەلەشەگىن قاراستىرا وتىرىپ، تاراپتار قازاقستاننىڭ ورگانيكالىق ونىمدەردى وندىرۋدە الەۋەتى مول ەكەنىن، سونىمەن قاتار قاجەتتىلىكتىڭ ارتقانىن ەسكەرە وتىرىپ، ق ح ر نارىعىنا اۋىل شارۋاشىلىق ونىمدەرىن تاسىمالداۋشى نەگىزگى ەلدەردىڭ بىرىنە اينالۋى مۇمكىن ەكەنىن اتاپ ءوتتى.
وسىعان بايلانىستى ق ح ر- دىڭ كارانتين مەن ينسپەكسيا، ساپانى قاداعالاۋ باس باسقارماسى تاراپىنان قازاقستاندىق اۋىل شارۋاشىلىق ونىمدەرىن قىتاي نارىعىنا ەنگىزۋ جۇمىسىن جەدەلدەتۋ قاجەتتىلىگىنە قاتىستى ماسەلە كوتەرىلدى.
ەسكە سالا كەتسەك، وتكەن جىلدىڭ مامىر ايىندا حالىقارالىق ەپيزوتيكالىق بيۋرو قازاقستاندى اۋسىل اۋرۋىنان تازا اۋماق رەتىندە تانىعان بولاتىن. مۇنداي مارتەبە مال مەن وسىرىلەتىن ونىمدەردى د س ۇ مەن ە و ەلدەرىنە تاسىمالداۋعا مۇمكىندىك بەرەدى.
ق ر پرەمەر- ءمينيسترى باقىتجان ساعىنتايەۆ ب ۇ ۇ باس حاتشىسىنىڭ ورىنباسارى - ازيا مەن تىنىق مۇحيتىنىڭ ەكونوميكالىق جانە الەۋمەتتىك كوميسسياسىنىڭ شامشاد احتارمەن كەزدەسۋ بارىسىندا مەملەكەت باسشىسى نۇرسۇلتان نازاربايەۆتىڭ باستاماسىمەن «ەكسپو» بازاسىندا «بولاشاق ەنەرگياسى» جاسىل تەحنولوگيالار مەن ينۆەستيتسيالىق جوبالاردى دامىتۋ بويىنشا حالىقارالىق ورتالىق قۇرۋ جۇمىسىنىڭ بارىسى تالقىلاندى. ا ت ە ا ك- پەن سەرىكتەستىك قازاقستان باستاعان «جاسىل كوپىر» سەرىكتەستىك باعدارلاماسىن ءساتتى جۇزەگە اسىرۋدا ماڭىزدى بولىپ تابىلادى.
ب ۇ ۇ- نىڭ ورتالىق ازيا ەلدەرىنىڭ ەكونوميكاسىنا ارنالعان ارنايى باعدارلاماسىن (و ا ە ا ب) ورىنداۋ جۇمىسىنا دا نازار اۋدارىلدى. اتالعان جۇمىس اياسىندا قازاقستان ارنايى باعدارلاماعا قوسىلاتىن ەلدەردىڭ ءتوراعالىق ەتۋشىسى رەتىندە 2018 -جىلى و ا ە ا ب ەكونوميكالىق فورۋمىنىڭ وتىرىسى مەن جەتەكشىلىك ەتەتىن كەڭەستىڭ XIII سەسسياسىن ۇيىمداستىرادى.
قازاقستان رەسپۋبليكاسىنىڭ تۇڭعىش پرەزيدەنتى كۇنىن تويلاۋ اياسىندا اۋعانستان مەن قىتاي ۇكىمەت باسشىلارى ەكىجاقتى كەزدەسۋ بارىسىندا ءوز قۇتتىقتاۋلارىن ءبىلدىردى.
اۆتور: ايان بەكەن ۇلى
