جاھاندىق داعدارىس اياقتالعانىمەن قاۋىپ- قاتەر ءالى دە بار - باقىتجان ساعىنتايەۆ

 دەپ حابارلايدى قازاقپارات ءتىلشىسى.

«جاھاندىق داعدارىستان كەيىن جاعدايىمىز تۇراقتالىپ كەلە جاتسا دا، الەمدىك ەكونوميكادا قاۋىپ- قاتەرلەر ءالى دە بار. مۇندايدا كوپجاقتى ىنتىماقتاستىقتى كۇشەيتۋ كەرەك. سونىڭ ارقاسىندا ش ى ۇ- عا مۇشە بارلىق مەملەكەتتەردىڭ تۇراقتى دامۋىنا قامتاماسىز ەتۋگە بولادى. وسى ورايدا شاڭحاي ىنتىماقتاستىق ۇيىمىنىڭ كوپجاقتى ساۋدا- ەكونوميكالىق ارىپتەستىك باعدارلاماسىن، ۇيىم اياسىنداعى بىرلەسكەن شارالاردى، سونداي- اق ش ى ۇ- نىڭ 2025 -جىلعا دەيىنگى دامۋ ستراتەگياسىن ساپالى جۇزەگە اسىرعان ماڭىزدى»، - دەدى باقىتجان ساعىنتايەۆ.

ۇكىمەت باسشىسى ەلىمىزدىڭ ايماقتىق ينتەگراتسيانى، كورشىلەرمەن تىعىز قارىم- قاتىناستى دامىتۋدى كوزدەيتىنىن جەتكىزدى. ءبىزدىڭ مۇحيتقا شىعار جولىمىز جوق. سول سەبەپتى قازاقستان «نۇرلى جول» مەملەكەتتىك باعدارلاماسىن ە ا ە و اياسىنداعى ينتەگراتسيامەن دە، قىتايدىڭ «ءبىر جول - ءبىر بەلدەۋ» باستاماسىمەن دە ۇندەستىرۋگە مۇددەلى.

باقىتجان ساعىنتايەۆتىڭ ايتۋىنشا، ش ى ۇ ەلدەرىنىڭ گەوگرافيالىق ورنالاسۋى كولىك سالاسىنداعى ىنتىماقتاستىقتى جان- جاقتى دامىتۋعا ىڭعايلى. ال ءوزارا ساۋدا- ساتتىقتى ارتتىرۋ ءۇشىن مۋلتيمودالدى تاسىمال مەن كولىك ينفراقۇرىلىمىن كۇشەيتۋ كەرەك.

«وسى تۇرعىدا ءبىز ش ى ۇ- عا مۇشە مەملەكەتتەردىڭ ۇكىمەتتەرى اراسىنداعى حالىقارالىق اۆتوموبيل تاسىمالىنا ىڭعايلى جاعداي جاساۋ تۋرالى كەلىسىمدى ىسكە اسىراتىن كوميسسيا جۇمىسىنىڭ باستالعانىنا قۋانىشتىمىز. سونداي- اق، ءبىز شىۇ- نىڭ جولداردى دامىتۋ باعدارلاماسىن ءوزارا كەلىسۋگە جانە قول قويۋعا دايىنبىز»، - دەپ اتاپ كورسەتتى ق ر پرەمەر- ءمينيسترى.

ءوز سوزىندە باقىتجان ءابدىر ۇلى سيفرلىق تەحنولوگيالار مەن ازىق- تۇلىك قاۋىپسىزدىك ماسەلەسىنە توقتالدى. ش ى ۇ ىسكەرلىك كەڭەسى مەن ش ى ۇ بانك ارالىق بىرلەستىگىنىڭ شاعىن جانە ورتا بيزنەستى دامىتۋعا ءوز سەپتىگىن تيگىزە الاتىنىن جەتكىزدى. ق ر پرەمەر- ءمينيسترىنىڭ ويىنشا، قازىرگى جوبالاردى ىسكە اسىرىپ، ناقتى ناتيجەگە قول جەتكىزۋ ءۇشىن قارجى مەحانيزمدەرىن، سونىڭ ىشىندە ش ى ۇ دامۋ بانكى مەن ارنايى ەسەپ- شوتىن قولعا الۋ قاجەت.

ايتا كەتەيىك، سوچيدە وتكەن وتىرىسقا رەسەي، وزبەكستان، تاجىكستان، قىرعىزستان مەن قىتايدىڭ ۇكىمەت باسشىلارى قاتىستى. ۇيىمنىڭ جاڭا مۇشەلەرى - پاكىستان مەن ءۇندىستان دا العاش رەت ءوز وكىلدەرىن جىبەردى.

اۆتور: ارمان اسقاروۆ 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى