بەيجىڭدە «ەر توستىك پەن ايداھار» مۋلتفيلمى كورسەتىلدى

دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

اتالعان شارا قازاقستاننىڭ تۇڭعىش پرەزيدەنتى كۇنىنە وراي قازاقستاندىق ديپلوماتتار مەن ۇلتتىق كومپانيالار قىزمەتكەرلەرىنىڭ بالالارىنا ارناپ ۇيىمداستىرىلدى.

مۋلتفيلم باستالاردىڭ الدىندا قازاقستان رەسپۋبليكاسىنىڭ ءانۇرانى ورىندالدى. بالالار قازاقستان جايلى ولەڭ وقىپ، وتان تۋرالى ماقال- ماتەلدەر ايتتى.

«ماعان مۋلتفيلم ۇنادى، گرافيكاسى ساپالى، سيۋجەتى تارتىمدى ەكەن. باتىر بابالارىمىز قازاقتىڭ جەرىن قورعادى، ال پرەزيدەنت نۇرسۇلتان نازاربايەۆ قازاقستاندى تاۋەلسىز، وركەنيەتتى ەلگە اينالدىردى. ءبىز بولاشاقتا وتانىمىزدى ودان ارى دامىتۋعا بارىمىزدى سالامىز»، - دەيدى 14 جاسار بەكەرە ەركىن ۇلى.

ەسكە سالا كەتسەك، تولىق مەتراجدى انيماتسيالىق «ەر توستىك پەن ايداھار» فيلمىن رەجيسسەرلەر جاكەن دادەنوۆ پەن رۇستەم تۇراليەۆتەر 3D فورماتىندا شىعارعان بولاتىن. مۋلتفيلم 2013 -جىلعى 21 -ناۋرىزدا كورەرمەنگە جول تارتقان.

جىل سايىن بەيجىڭدە تۇڭعىش پرەزيدەنت كۇنىنە وراي پاتريوتتىق مۋلتفيلمدەر كورسەتۋ يگى داستۇرگە اينالعان. بىلتىر مۇندا تولىق مەتراجدى «قازاق ەلى» تاريحي مۋلتفيلمى قويىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى