الماتى وبلىسىندا پاتەر توناپ جۇرگەن شەتەل ازاماتى ۇستالدى
50 جاستاعى ەر ادام مولدوۆا ەلىنىڭ ازاماتى ەكەنى انىقتالدى، دەپ حابارلايدى قازاقپارات ءتىلشىسى.
شەتەل ازاماتىن قاراساي اۋداندىق ءى ءى ب- نىڭ پوليتسەيلەرى قولعا ءتۇسىردى. ءتارتىپ ساقشىلارى كۇدىكتىنىڭ ءبىر ايدىڭ ىشىندە تونالعان 10 پاتەردىڭ ىسىنە قاتىسى بار ەكەنىن دالەلدەپ بەرگەن. ال ۇستالعان ازامات كوبىنە ساياجايلارداعى ۇيلەردى توناۋمەن اينالىسقان.
مولدوۆالىقتىڭ سوزىنشە، ونىڭ قازاقستانعا كەلگەنىنە ءبىر جىلدان اسقان. جانە ول ءتولقۇجاتىن جوعالتىپ الدىم دەپ اقتالىپتى. ال ءوزىنىڭ تۋعان ەلىندە وتباسى بار ەكەن.
«قازىرگى تاڭدا كۇدىكتىنىڭ اتى-ءجونى جانە تۇسىنىكتەمەسى ارنايى بازا ارقىلى تەكسەرىلىپ جاتىر. سونداي-اق، ونىڭ وزگە دە قىلمىستارعا قاتىسى بار-جوعى انىقتالاتىن بولادى»، - دەپ ءمالىم ەتتى وبلىستىق ءى ءى د باسپا ءسوز قىزمەتى.
قازىر اتالعان فاكتى بويىنشا قىلمىستىق ءىس تەرگەلىپ جاتىر. ال كۇدىكتى قاماۋعا الىندى.
