الماتىدا «قازاق ءبيى» دەرەكتى فيلمىنىڭ تۇساۋى كەسىلدى

فيلمدى ق ر تۇڭعىش پرەزيدەنتى - ەلباسى قورى مەن ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن. «قازاق ءبيى» دەرەكتى فيلمى جاس بالەرينا، ا. سەلەزنيەۆ اتىنداعى الماتى حورەوگرافيا ۋچيليشەسىنىڭ ستۋدەنتى، حالىقارالىق بايقاۋلاردىڭ لاۋرەاتى جانەل ۇلانوۆانىڭ ونەرى ارقىلى قازاق ءبيىنىڭ تاريحىنا كورسەتۋگە ارنالعان.

«كارتينا ناعىز شەبەرلەردىڭ ارقاسىندا وتە ادەمى شىقتى. فيلمنىڭ تەڭ رەجيسسەرى، بەلگىلى حورەوگراف انۆارا سادىقوۆانىڭ ارقاسىندا كوپتەگەن دۇنيەلەر باياندالسا، وپەراتور الەكسەي كيريۋحين باستى كەيىپكەردىڭ مىنەز- قۇلقىن تۋرا سۋرەتتەپ بەردى. سونىمەن قاتار، مونتاج رەجيسسەرى سەرگەي ۆيلكوۆيسكيگە العىسىم شەكسىز. ءبىزدىڭ فيلمگە تۇسۋگە كەلىسىمىن بەرىپ، ءوزىنىڭ سۇلۋلىعى مەن شەبەرلىگىمەن كوركەمدەگەن كارتينانىڭ باستى كەيىپكەرى جانەل ۇلانوۆاعا دا العىس بىلدىرەمىن»، - دەدى فيلمنىڭ تەڭ رەجيسسەرى عازيز ناسىروۆ.

 

فيلمدى جاساۋدا ا. سەلەزنيەۆ اتىنداعى الماتى حورەوگرافيا ۋچيليشەسىنىڭ، «استانا بالەت» تەاترى مەن «ناز» مەملەكەتتىك بي تەاترىنىڭ مۇراعات ماتەريالدارى پايدالانىلعان. سونىمەن قاتار، فليۋرا مۋسينا تۇسىرگەن «وپەرا تەاترىنىڭ اڭىزدارى مەن ميفتەرى» اتتى اۆتورلىق باعدارلاماسى جانە «كوك مارشرۋت» («قازاقفيلم»، 1968 ج. ) فيلمىنىڭ ۇزىندىلەرى قولدانىلدى. «قازاق ءبيى» فيلمى استانا، الماتى،  قىزىلوردا، سەمەي، شىمكەنت قالالارىندا ءتۇسىرىلدى.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى