كوكشەتاۋدا استانالىق نەيروحيرۋرگتەر مي قانتامىرلارىنا وتا جاسادى

 شەبەرلىك سىنىبى بارىسىندا استاناداعى نەيروحيرۋرگيا عىلىمي ورتالىعىنىڭ فۋنكتسيونالدى نەيروحيرۋرگيا جانە قان تامىرلارى بولىمشەسىنىڭ دارىگەر- نەيروحيرۋرگى اسىلبەك قاليەۆ ميدىڭ ەندوۆاسكۋليارلى ەمبوليزاتسيا انيەۆريزمى بويىنشا 5 وتا جاسادى. العاشقى كۇنى ينسۋلت ورتالىعىنا تۇسكەن 4 ادامنىڭ باسىنداعى قاندى توقتاتۋ بويىنشا كۇردەلى وتا جاساسا، كەلەسى كۇنى 17 جاستاعى ناۋقاس جەتكىزىلدى.

بۇلاندى اۋدانىنان جەتكىزىلگەن ناۋقاستى كورگەن دارىگەر «بويجەتكەننىڭ باسى امان، قاتتى قۇلاعاننان ەسىنەن تانىپ قالدى» دەگەن شەشىمگە كەلدى.

اسىلبەك قاليەۆتىڭ ايتۋىنشا، بۇدان بىلاي نەيروحيرۋرگتەر زاماناۋي تەحنولوگيا بويىنشا ەندوۆاسكۋليارلىق ادىسپەن ادامنىڭ باس سۇيەگىن بۇرىنعىداي اشپاي- اق، پىشاقسىز وتا جاساي بەرەتىن بولادى.

«بۇل ادىسپەن ادامنىڭ مي قانتامىرلارىنا وتا جاساۋ ءۇشىن ءبىر كىشكەنە تەسىك قانا جەتكىلىكتى. سول ارقىلى ارنايى قۇرالدار ەنگىزىلىپ، باستا پايدا بولعان ارتەريالدى انيەۆريزم جابىلادى. بۇل كەيىن ناۋقاستىڭ تەز ساۋىعىپ كەتۋىنە دە وڭ اسەرىن تيگىزەدى»، - دەيدى اسىلبەك قاليەۆ.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى