اقمولا وبلىسى مەن حىبىي پروۆينتسياسى ەكى جاقتى قارىم- قاتىناستى نىعايتۋ تۋرالى ۋاعدالاستى

پروۆينتسيانىڭ جالپى ىشكى ءونىمى بيىلعى جىلدىڭ ءۇش توقسانىندا 6,7 پايىزعا، ال وتكەن جىلدىڭ قورىتىندىلارى بويىنشا 500 ميلليارد دوللارعا وسكەن.

وبلىس اكىمى حىبىي پروۆينتسياسىنىڭ گۋبەرناتورى سيۋي تسين مىرزامەن كەزدەستى.

پروۆينتسيا باسشىسى اقمولا وبلىسى مەن حىبىي پروۆينتسياسىنىڭ ۇقساستىعىن ەرەكشە اتاپ ءوتىپ، ايماقتارعا باۋىرلاس ايماقتار مارتەبەسىن بەرۋ جونىندە تۇتاستاي ءبىرقاتار ناقتى شارالاردى ۇسىندى. كەزدەسۋ بارىسىندا جوعارى تەحنولوگيا، اۋىل شارۋاشىلىعى، قولجەتىمدى تۇرعىن ءۇي، قالا جەلىلەرىن قايتا جاڭارتۋ، شيكىزاتتى تەرەڭ وڭدەۋ جانە تۋريزمدى دامىتۋ سالالارىنداعى ىنتىماقتاستىقتىڭ پەرسپەكتيۆالارى تالقىلاندى.

 اقمولا وبلىسىنىڭ اكىمى: «تاراپتار بىرلەسكەن پروفيلدىك جۇمىس توپتارىن قۇرۋ جانە تاياۋ ارادا مادەني- تانىمدىق باعدارلامالار شەڭبەرىندە دەلەگاتسيالار الماسۋ ۋاعدالاستىعىنا قول جەتكىزدى، ءار تاراپتان ۇيلەستىرۋشىلەر ناقتىلاندى. تەزىرەك باۋىرلاستىق قارىم- قاتىناستار تۋرالى كەلىسىمگە قول قويۋ ءۇشىن جەكەلەگەن جۇمىس توبى قۇرىلاتىن بولدى»، - دەپ اتاپ كورسەتتى.

 مالىك مىرزالين شى جياجۋاڭ  قالاسىنىڭ جوعارى تەحنولوگيالىق ەرەكشە ەكونوميكالىق اۋدانىندا بولدى جانە ايماقتىڭ ەكى ياكورلىق رەزيدەنتىنىڭ قۋاتتىلىعىمەن تانىستى. فارماتسيەۆتيكا وندىرىسىمەن اينالىساتىن، سونداي- اق، الەمدەگى ءداستۇرلى قىتاي مەديتسيناسىنىڭ پاتەنتتەلگەن پرەپاراتتارىنىڭ ءىرى ءوندىرۋشىسى بولىپ تابىلاتىن كومپانيانىڭ قىزمەتىمەن تانىسىپ، جەتىستىكتەرىنە نازار اۋداردى.

 اقمولا وبلىسىنىڭ دەلەگاتسياسى سول سياقتى، ءسۇت ونىمدەرىن وندىرەتىن قىتايداعى ءىرى «تسزيۋلەباو» زاۋىتىندا اۋىل شارۋاشىلىعى ونىمدەرىن وڭدەۋگە قاتىستى ىنتىماقتاستىق ماسەلەلەرىن تالقىلادى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى